ఈ చిట్కాలు మరియు సూచనలతో మీ జుట్టును సుగంధభరితంగా మలుచుకోండి.

1. మీ షాంపూకు సువాసన తైలాలను జోడించండి:

లావెండర్ తైలం, జాస్మిన్ తైలం వంటి సువాసన తైలాలను మీరు ఎల్లప్పుడూ వాడే షాంపూతో కలిపి వినియోగించండి. ఇలా చేస్తే సుగంధతైలాల సువాసన మీ జుట్టుకు పడుతుంది. దుర్వాసన దూరమవుతుంది. షాంపు చేసుకునేటప్పుడు 3-4 చుక్కల సుగంధతైలాన్ని షాంపూలో కలపి వాడితే కావలసిన ఫలితం లభిస్తుంది.

2. మీ దువ్వెనపై పెర్ఫ్యూమ్ చల్లండి:

ఇది బహుశా అన్నిటికంటే సులభమైన పద్దతి. కేవలం మీ దువ్వెనపై పెర్ఫ్యూమ్ చల్లుకుని తదనంతరం దువ్వుకోండి. ఈ పద్ధతి ద్వారా నిమిషాల్లో మీ జుట్టుకు సువాసన చేకూరుతుంది.

3. టీ బాగ్స్ ను ఉపయోగించండి:

జుట్టు తెల్లబడటాన్ని మరియు దుర్వాసనను తగ్గించడం మొదలైన జుట్టు సంబంధించిన అనేక సమస్యల కొరకు టీ ఆకులను వాడటమనేది మీ జట్టుపై అద్భుతాలు సాధించడానికి వినియోగించే అతిపాత పద్ధతి. ఒక మగ్ లో కొన్ని వేడి నీళ్లను తీసుకుని అందులో రెండు టీ బ్యాగ్లను వేసి నానబెట్టండి. 10-15 నిమిషాల అనంతరం ఈ టీ బ్యాగ్లను ఫ్యాన్ కింద చల్లారనివ్వండి. ఈ ద్రావణంతో మీ జుట్టును బాగా కడగండి. మీ జుట్టు ఆరోగ్యంగా ఉండటమే కాక సువాసనాపూరితమవుతుంది.

4. మీ మాడును టొమాటోలతో మర్దన చేసుకోండి:

జుట్టు దుర్వాసన రాకుండా ఉండటానికి టొమాటో ఒక ప్రభావవంతమైన గృహవైద్య పరిష్కారం. టొమాటో రసాన్ని పిండండి. దీంతో మాడును బాగా మర్దన చేసుకుని మిగిలింది జుట్టు చివర్ల వరకు రాసుకోండి. ఇలా 20-25 నిమిషాల పాటు వదిలేసి గోరు వెచ్చని నీటితో కడిగేయండి. ఈ చిట్కాతో మీ జుట్టు నుండి దుర్వాసన పరుగులుపెట్టి పారిపోతుంది.

5. నిమ్మరసాన్ని రాసుకోండి:

నిమ్మరసంలోని యాంటీ బాక్టీరియల్ తత్వాలు మీ జుట్టుకు దుర్వాసన కలుగజేసే బాక్టీరియాను నాశనం చేసి మీ జుట్టు తాజా సువాసనలతో నిగారింపజేస్తుంది. నిమ్మరసాన్ని పిండి మాడును బాగా మర్దన చేసుకుని మిగిలింది జుట్టు చివర్ల వరకు రాసుకోండి.

6. వేడితో కూడుకున్న స్టయిలియంగ్ పరికరాలను వాడకండి:

జుట్టును స్ట్రెయిట్ గా చేసుకోవడానికి, వంకీలు తిప్పడానికి, ఆరబెట్టుకునేందుకు వాడే పరికరాలు వేడితో కూడుకుని కొన్ని సార్లు జుట్టును కాలిన వాసనలు చేకూరుస్తాయి. కనుక ఇటువంటి పరికరాలకు దూరంగా ఉండి దూర్వాసనను దూరంగా పెట్టడం తెలివైన పని.