Shraddha Kapoor:మీ కురులు కూడా శ్రద్ధా కపూర్ లా మెరిసిపోవాలంటే... ఇలా ట్రై చేయండి...

శ్రద్ధా కపూర్ హెయిర్ మాస్క్..

బాలీవుడ్ బ్యూటీ శ్రద్ధా కపూర్ తన కురులను బలంగా ఉంచుకునేందుకు కొన్ని రకాల హెయిర్ ఆయిల్ ను కచ్చితంగా రెగ్యులర్ గా వాడుతుందట. ముఖ్యంగా ఆర్గానిక్ హెయిర్ ఆయిల్ ని ఎక్కువగా ఉపయోగిస్తుందట. తన జట్టుకు నూనె రాసుకున్న తర్వాత, తన కురులను షాంపూతో శుభ్రం చేసుకుంటుందట. జుట్టును శుభ్రం చేసుకున్న తర్వాత.. కురులపై సీరంను వాడుతుందట.

ఇంట్లోని వస్తువులతో..

బాలీవుడ్ అందాల భామ మన ఇళ్లలో లభించే కొన్ని రకాల వస్తువులతోనే హెయిర్ ప్యాక్స్ తయారు చేసుకుంటుందట. అదెలాగో ఇప్పుడు మనం తెలుసుకుందాం. ముందుగా రెండు కలబంద కొమ్మలు తీసుకుని.. వాటిలో కలబంద గుజ్జును తీసుకోవాలి. దీన్ని పక్కనపెట్టేసి, చేతులు నిండేంత మందార పూలను తీసుకోవాలి. వీటిలో రెండు స్పూన్ల పెరుగును కలపాలి.

20 నిమిషాల పాటు..

పై పదార్థాలన్నింటినీ ఒక పాత్రలో బాగా కలపాలి. ఆ తర్వాత మన కురుకులకు బాగా రాసుకోవాలి. అలా కురులన్నింటినీ ఆ మిశ్రమాన్ని వేసుకున్న తర్వాత 20 నిమిషాల పాటు అలానే వదిలేయాలి. ఆ తర్వాత మంచి నీటితో కురులను క్లీన్ చేసుకోవాలి. ఆ తర్వాత మొత్తం జుట్టును నీటితో కడుక్కోవాలి.

అందమైన జుట్టు..

మీరు కూడా ఇలా రెగ్యులర్ గా చేయడం వల్ల శ్రద్ధా కపూర్ వంటి అందమైన జుట్టు మీ సొంతం కావడం ఖాయం. ఎందుకంటే కలబందలో కురుల కుదుళ్లను బలపరిచే గుణం ఉంటుంది. మందారపూలు కూడా కురులను స్మూత్ మార్చేందుకు సహాయం చేస్తుంది. కాబట్టి.. తరచుగా ఈ హెయిర్ ప్యాక్ ను వాడటం వల్ల మీ కురులు మరింత అందంగా కనిపిస్తాయి. ఈ ప్యాక్ ను రెగ్యులర్ గా వాడటం మీకు కుదరకపోతే.. కనీసం వారానికోసారైనా దీన్ని కచ్చితంగా ఉపయోగించాలి.