మగువ రంగును బట్టి లిప్ స్టిక్ ఎన్నిక...!

Make Up

oi-Saraswathi

By Sindhu

Published: Saturday, January 14, 2012, 12:57 [IST]

లిప్‌ స్టిక్‌ అనేది అందాన్ని పెంచాలి కానీ, తగ్గించకూడదు. శరీర వర్ణానికి, పెదవుల రంగుకు సరిపోయే లిప్‌ స్టిక్‌ ను ఎంచుకోవటం ద్వారా స్ర్తీలు మరింత అందంగా కనబడవచ్చు. లిప్‌ స్టిక్‌ను పెదవులకు అప్లై చేసిన తర్వాత అండర్‌ టోన్‌ కలర్‌ ద్వారానే అసలు షేడ్‌ కనబడుతుంది. ఎంతో అందంగా, చక్కగా మేకప్‌ చేసుకున్నా కూడా లిప్‌ స్టిక్‌ దగ్గరికి వచ్చేసరికి ఆ అందానికి ఒక దిష్టి చుక్కలాగా కనబడుతుంది కొందరి విషయంలో అలాంటి వారికోసం కొన్ని టిప్స్

లిప్‌ స్టిక్‌ అండర్‌ టోన్‌లు ఎలా ఎంచుకోవాలంటే:
పసుపు, ఆరెంజ్‌: ఇవి సున్నితమైన ఫీలింగ్‌ ను కలగజేస్తాయి. ఇవి ఉపయోగించాలంటే, శరీరం రంగు కూడా ముదురుగా వుండాలి. అంటే తెల్లని తెలుపు, లేదా బాగా ఎరుపు రంగు చర్మం వున్నవారే వీటిని ఉపయోగించాలి. పాలిపోయిన రంగు వున్నవారికి ఈ లిప్‌ స్టిక్‌ సరిపడదు.

ఎరుపు లేదా పింక్‌: ఈ లిప్‌ స్టిక్‌లు చూసేందుకు కొంత గాఢమైన అనుభూతిని ఇస్తాయి. మీ శరీర ఛాయలో కూడా ఎరుపు రంగు వుంటే ఇది పూర్తిగా మీకు సూట్‌ అవుతుంది. ఒక్క పెదవులు రంగే కాదు, శరీరం రంగును కూడా లిప్‌స్టిక్‌ విషయంలో పరిశీలించాలి.

సిల్వర్‌/బూడిదరంగు: ఇవి రాత్రి పూట ఎక్కువగా ఉపయోగించేందుకు వీలుగా వుంటాయి. ఎందుకంటే ఇవి పెదవులకు మెరుపును ఇస్తాయి తప్ప గాఢమైన ప్రభావాన్ని కలిగించవు. దీనివల్ల పెదవులు సున్నితమైన మెరుపులు కలిగివుంటాయి. లైట్ల వెలుగు వీటిమీద పడి తగినంతగా మాత్రమే ప్రతిఫలిస్తుంది.