‘కలబంద’తో లాభమేంటి..?

కలబంద గుజ్జు ముఖ వర్చస్సును పెంపొందించటంలో కీలక పాత్ర పోషిస్తుందట. కలబంద గుజ్జులో తగినంత పుసుపును జోడించి ముఖానికి ఫేషియల్ చేసుకుని 15 నిమిషాల తరువాత చల్లటి నీటితో శుభ్రం చేసుకుంటే, ముఖం పై పేరుకున్నమురికి తొలగిపోయి కొత్త రూపును సంతరించుకుంటుందట.

జుత్తు సంరక్షణ విషయంలోనూ కలబంద కీలక పాత్ర పోషిస్తుంది. కలబంద గుజ్జును తలకు పట్టించి ఓ గంట తరువాత తలస్నానం చేస్తే జుట్టు పెరగటమే కాకుండా నిఘారింపును సంతరించుకుంటుంది. కలబంద చుండ్రును దరికి చేరకుండా చేస్తుంది. అరికాలి పగుళ్లను కలబంద మటుమాయం చేస్తుంది.

కలబందలో బి12, సి, ఇ విటమిన్లు పుష్కలంగా ఉన్నాయి. చర్మ సంబంధిత సమస్యలకు చక్కటి నివారిణిగా ఈ ఔషధ మొక్క దోహదపడుతుంది. కళ్లు మంటలను కలబంద నివారిస్తుంది. నీరు అంతగా అవసరంలేని ఈ చిన్న మొక్క ఇంటికి కొత్త శోభను తెస్తుంది.