ఎండలో తిరిగి వచ్చారా..?

చర్మం అందంగా నిగనిగలాడ్తూ ఎలాంటి ముడతలు పడకుండా ఉండాలంటే రోజూ కనీసం 3 లీటర్ల నీరు తాగి తీరాల్సిందే. ఎలాంటి సౌందర్య సాధనాలు వాడకపోయినా బాగుంటుంది చర్మం. పొడిబారిన చర్మానికి పాలు లేక పెరుగమీగడ రుద్దాలి. కొందరి చేతుల చర్మం ముడతలు పడ్తుంది. సెనగపిండితో పచ్చిపాలు, మీగడ కల్పి బాగా మసాజ్ చేయాలి. ఆపై కొబ్బరి నూనె రాయాలి. మొహం కళకళ లాడేలా మెరవాలంటే తాజా కూరల సలాడ్స్, పళ్ళు తింటూ బాగా నీరు తాగితే చాలు.

ముఖంపై అధిక జిడ్డు, కళ్ల కింద నల్లని వలయాలు బాధిస్తుంటే.. రెండు చెంచాల పాలపొడిలో చెంచా తేనె కలిపి గంట సేపు చల్లటి ఉష్ణోగ్రతలో ఉంచాలి. చల్ల బడిన మిశ్రమాన్ని ముఖానికి పూతలా వేసుకుని అరగంట తరువాత చల్లటి నీటితో శుభ్రపరుచుకోవాలి.