యాభై దాటినా.. చెక్కుచెదరని అందం మీ సొంతం..!!

స్నానానికి కానీ, ముఖం కడుక్కునేందుకు కానీ వేడినీటిని లేదా మరీ చల్లటి నీటిని వాడకూడదు. సాధారణ ఉష్ణోగ్రతలో ఉన్న నీటిని లేదా గోరువెచ్చని నీటిని మాత్రమే ఉపయోగించండి. ప్రతి రోజు ముఖానికి, మెడకు, చేతులకు.. కాలాన్ని బట్టి కోల్డ్ క్రీమ్ లేదా పేట్రోలియం జెల్లీ రాయాలి. మేకప్‌ను వీలైనంత తగ్గంచి.. మీ ముఖాన్ని సహజత్వానికి దగ్గరగా ఉండేలా చూసుకోవాలి.

ఇక ప్యాక్‌ల విషయానికి వస్తే, ఆలీవ్ ఆయిల్, ఆముదం, ఆల్మండ్ ఆయిల్, బేబీ ఆయిల్‌లను సమపాళ్లలో తీసుకుని ఒక గిన్నెలో వేసి కలపాలి. ఈ మిశ్రమాన్ని స్నానానికి ముందు అరగంట సేపు ఒంటికి పట్టించి ఆ తరువాత స్నానం చేయాలి. ఇలా చేస్తే చర్మం మృదువుగా, ముడతలు పడకుండా ఉంటుంది. స్నానం పూర్తి అయిన తరువాత మాయిశ్చరైజర్ వాడండి. మీ హెయిర్ స్టైల్ విషయంలో కూడా జాగ్రత్తలు తీసుకోండి. యూత్‌ను ఫాలో అవడం ఫ్యాషన్ అనుకోకండి. పెద్దరికాన్ని ఆహ్వానిస్తూనే మీకంటూ ఓ స్టైల్ ఇమేజ్‌ను ఏర్పాటు చేసుకోండి.