టినేజి పాపల మొటిమల కష్టాలు..!!

మొటిమలను తగ్గించే పలు సౌందర్య చిట్కాలు:

- మెంతికూర, వేపాకు చిగుళ్లు, పసుపు కలిపి నూరాలి. ఈ మిశ్రమాన్నిముఖం పై పూసి ఐదు నిమిషాల పాటు మసాజ్ చేసుకోవాలి. ఆరిన తరువాత చల్లని నీటితో ముఖాన్ని శుభ్రం చేసుకోవాలి. వారానికి రెండు లేక మూడు సార్లు ఈ చిట్కాను పాటిస్తే మొటిమలు, వాటి తాలూకు మచ్చలు మాయమవుతాయని సౌందర్య నిపుణులు చెబుతున్నారు.

- శెనగపిండిలో పెరుగు కలిపి పేస్ట్‌లా తయారు చేసి ముఖానికి పట్టించాలి. ఇది 20 నిమిషాల పాటు అలానే ఉంచి ఆ తర్వాత గోరువెచ్చని నీటితో కడగాలి. తరచుగా ఇలా చేస్తే మొటిమలు తగ్గుతాయని వారు చెబుతున్నారు.

- ఒక స్పూన్ మెంతుపొడి, స్పూన్ పసుపు, దోసకాయగుజ్జు, స్పూన్ టమోట రసం, కొబ్బరినీళ్లులో కలిపి ముఖానికి పూయాలి. 20 నిమిషాల తర్వాత చల్లని నీటితో కడగాలి.