శీతాకాలంలో చర్మం పగుళ్ళు నుండి కాపాడే 5 ఫేస్ మాస్కులు

అవకాడో ఫేస్ మాస్క్

అవకాడో ఫేస్ మాస్క్ పొడిబారిన చర్మానకి చాలా ఫర్ ఫెక్ట్ గా పనిచేస్తుంది. ముఖంగా శీతాకాలంలో చర్మం పొడిబారి దురదగా ఉండటం వంటి లక్షణాలను అవకాడో ఫేస్ మాస్క్ పోగొడుతుంది. తాజాగా ఉన్న అవాకోడోను బాగా మెత్తగా చేసి దానికి ఆలివ్ ఆయిల్ మిక్స్ చేసి బాగా ముఖానికి అప్లై చేయాలి. ఈ ఫేషియల్ మాస్క్ చర్మానికి కావాలసిన మినరల్స్, విటమిన్స్, యాంటిఆక్సిడెంట్స్ అందించి చర్మాన్ని నునుపుగా మార్చుతుంది. శీతాకాలంలో చర్మం పొడిబారనీయకుండా చేస్తుంది.

కల్చర్డ్ మిల్క్ మాస్క్

కల్చర్డ్ మిల్క్ మాస్క్ చాలా సులభమైనటువంటి చర్మ సంరక్షణ పద్దతి. దీంతో చర్మం అలసిన చర్మం తేజోవంతంగా మారుతుంది. అందుకు ఒక మిక్సింగ్ బౌల్ ల్లో కొద్దిగా పెరుగు, మజ్జిగ, సోర్ క్రీమ్ ను వేసి బాగా మిక్స్ చేసి కళ్ళు మాత్రం వదిలి మిగిలిన ముఖ భాగం అంతా అఫ్లై చేయాలి. పదిహేను నిముషాల తర్వాత చల్లటి నీటితో శుభ్రం చేయడం వల్ల చలికాలంలో చల్లగాలి, మంచు వల్ల చర్మ పొడి బారీ, పగుళ్ళు ఏర్పడకుండా చేస్తుంది.

ఎగ్ వైట్ ఫేస్ మాస్క్

గుడ్డులోని తెల్ల సొన ఆయిల్ స్కిన్ ఉన్నవారికి చాలా అద్భుతంగా పనిచేస్తుంది. ఎగ్ వైట్ తీసుకొని దాన్ని ముఖానికి అప్లై చేయాలి. అరగంట తర్వాత గోరువెచ్చని నీటితో శుభ్రం చేయడం వల్ల మీ చర్మం మునపటి కంటే చాలా ఆరోగ్యంగా కనబడుటయే కాకుండా జిడ్డును వదిలించి చర్మాన్ని తేమగా ఉంచుతుంది. అంతే కాదు ముఖ చర్మం వదులుగా లేకుండా టైట్ చేస్తుంది. చలికాలంలో దీన్ని వేసుకోవడం వల్ల చలినుండి, మంచు నుండి చర్మాన్ని కాపాడుతుంది.

ఓట్ మీల్ ఫేస్ మాస్క్

శీతాకాలంలో చర్మాన్ని రక్షించడంలో ‘ఓట్ మీల్' చాలా అద్భుతంగా పనిచేస్తుంది. ఈ ఓట్ మీల్ కు గుడ్డులోని తెల్లసొన మరియు తేనె కలిపి బాగా మిక్స్ చేసి ముఖానికి అప్లై చేసి అరగంట పాటు అలాగే వదిలేయాలి. అరగంట తర్వాత గోరువెచ్చని నీటితో శుభ్రం చేసుకోవాలి. ముఖంలో తడి ఆరిన తర్వాత గమనించినట్లైతే ముఖం తాజాగా..నునుపు మారడాన్ని గమనిస్తారు.

బనానా ఫేస్ మాస్క్

చలికాలం, శీతాకాలం, వర్షాకాలంలో చర్మాన్ని రక్షించుకోవడం కొంచెం ఇబ్బదికరమైన విషయమే. సున్నితమైన చర్మ తత్వం కలవారు శీతాకాలంలో సున్నితమైనటువంటి బనానా ఫేషియల్ మాస్క్ వేసుకోవడం చాలా మంచిది. బాగా పండిన అరటిపండును బాగా మెత్తగా చేసి అందులో తాజాగా ఉన్నటువంటి స్వీట్ క్రీమ్ మిక్స్ చేసి ముఖానికి పట్టించి అరగంట పాటు అలా ఉండాలి. అరగంట తర్వాత చల్లటి నీటితో శుభ్రం చేసుకోవడం వల్ల చర్మం సున్నితంగా.. మృదువుగా ప్రకాశంతంగా మారుతుంది. శీతాకాలంలో చలిగా ఉందనో, చర్మ పొడిబారి గీతలు పడుతుందనే అనుకోవాల్సిన పనిలేదు ఎప్పుడైనా ఈ మిశ్రమాన్ని వేసుకోవచ్చు.