పొడిబారి చర్మం కోసం ఫ్లవర్ ఫేస్ ఫ్యాక్

Published: Saturday, January 14, 2012, 14:24 [IST]

Chamomile Flowers & Chrysanthemum Face Pack

సాధారణంగా మహిళలు తమ అందాన్ని పెంచుకోవడం కోసం చాలా రకాలుగా ప్రయత్నాలు చేసే ఉంటారు. ఫేస్ లో గ్లో కోసం రకరకాలుగా ఫేషియల్స్ వేసుంటారు. అయితే పూలతో ఫేషియల్ ప్రయత్నం చేసి చూడండి. సహజంగా లభించే పూలతో ఫేషియల్ వేసుకోవడంతో పొడిబారి చర్మం కాంతివంతంగా మిలమిల మెరుస్తుంది.

1. మొదటగా బంతిపూల రెక్కలు ఒక కప్పు, చేమంతి పూల రెక్కలు ఒక కప్పు, ఉడికించిన చిదిమిన క్యారెట్ ఒక కప్పు, వీట్‌ జెర్మ్ ఆయిల్ ఒక టీ స్పూన్ తీసుకోవాలి
2. తర్వాత ఆరకప్పు నీటిలో బంతిపూల రెక్కలు, చేమంతి రెక్కలు వేసి మరిగించి మూత పెట్టి పక్కన ఉంచుకోవాలి.
3. క్యారెట్‌లో వీట్‌ జెర్మ్ ఆయిల్ వేసి కలిపి ఆ మిశ్రమాన్ని పూల రెక్కలు వేసి మరిగించిన నీటిలో వేసి పేస్టులా కలుపుకోవాలి.
4. వీలయితే రెండు మూడు చుక్కల బాదం నూనె కూడా కలుపుకోవచ్చు. ఆ ప్యాక్‌ ను ముఖానికి, మెడకు,చేతులకు పట్టించి ఆరిన తర్వాత చన్నీటితో కడగాలి. ఈ ప్యాక్ పొడి చర్మాన్ని సాధారణ చర్మాన్ని మృదువుగా, ఆకర్షణీయంగా మారుస్తుంది. ప్యాక్ పట్టించేటప్పుడు పై వైపుకు స్ట్రోక్స్ ఇవ్వాలి. ఇలా చేస్తే ముఖం కండరాలు ఉత్తేజితమవుతాయి. రక్త ప్రసరణ బాగా జరుగుతుంది.