స్కిన్ అలర్జీ...సహజ పద్దతులతో చర్మ సంరక్షణ...!

Skin Care

oi-Saraswathi

By Sindhu

Published: Thursday, May 17, 2012, 9:12 [IST]

శరీరంలో అధిక ప్రాధాన్యత ఇచ్చేది చర్మానికి. ఎందుకంటే చర్మం దేహానికి రక్షణ కవచం లాంటింది. అయితే వాతావరణంలో మార్పులు, కాలుష్యం, ఎండ వేడి, కొన్ని సార్లు నీళ్ళ ప్రభావం కూడా చర్మం పై చెడు ప్రభావాన్ని చూపిస్తాయి. దాంతో చర్మం ఇన్ఫెక్షన్ కు దారితీస్తుంది. చర్మం అలర్జీకి చాలా కారణాలు ఉండవచ్చు. అది సూర్య రశ్మిలో ఉండే ఆల్ట్రా వైలెట్ కిరణాలు, ఫ్యాబ్రిక్స్ , కొన్నిరకాలైటువంటి కూరగాయలు కూడా కారణం కావచ్చు. చర్మం చాల సున్నితమైనది. అందుకే త్వరగా చర్మ మీదనే ప్రభావాన్ని చూపిస్తాయి. కాబట్టి చర్మ సంరక్షణకు, చర్మం అలర్జీకీ దారితీయకుండా తగినటువంటి జాగ్రత్తలు తీసుకొంటే సురక్షితమైన చర్మం మీ సొంతం అవుతుంది. అందుకు ఇంట్లోనే పాటించాల్సిన చిట్కాలేంటో చూద్దాం..

నీళ్ళు: చర్మం సంరక్షణకు నీళ్ళు బాగా పనిచేస్తాయి. చర్మం ఎప్పుడూ తేమగా ఉండేటట్లు చేయడానికి నీళ్ళు ఎక్కువగా తాగాలి. నీళ్ళు సహజమైనటువంటి చర్మం సౌందర్యాన్నిస్తుంది. నీళ్ళు ఎక్కువగా తాగడం వల్ల ఒంట్లో ఉండే మలినాలు బయటికు పంపించి, చర్మాన్ని కాంతివంతంగా, ముడుతలు లేకుండా కాపాడుతుంది.

నూనెను మర్దన చేయడం: కొబ్బరినూనె చర్మం సంరక్షణకు బాగా ఉపయోగపడుతుంది. కొబ్బరి నూనెను కొద్దిగా వేడి చేసి శరీరానికి మర్ధన చేసి అరగంట తర్వాత స్నానం చేసినట్లైతే చర్మం నునుపుదేలుతుంది. స్కిన్ అలర్జీ ఉన్నవారు, ఏ చర్మ తత్వం ఉన్నవారైనా సరే కాటన్ ఫాబ్రిక్స్ ను వేసుకోవడం మంచిది.

నిమ్మరసం: చర్మం అలర్జీకి నిమ్మరసం కూడా దివ్వ ఔషదం. ఎలాగంటే రెండు టేబుల్ స్పూన్ల నిమ్మరసంలో , కాటన్ బాల్స్ ను ముంచి అల్లర్జీ ఉన్నచోట పూతాలా పూసి పదిహేను నిమిషాల తర్వాత శుభ్రం చేసుకోవాలి. అలాగే మరొక చిట్కా నిమ్మరసంలో కొబ్బరినూనె ను మిక్స్ చేసి అలర్జీ ఉన్న చర్మానికి పూతలా రాసి ఒక రాత్రంతా అలాగే వదిలేస్తే అలర్జీ నుండి ఉపశమనం పొందవచ్చు.

వేపాకు పేస్ట్: వేపాకు యాంటీ బ్యాక్టీరియల్ ఔషదం. ముఖ్యంగా చర్మానికి ఇది చాలా బాగా పనిచేస్తుంది. స్కిన్ అలర్జీనుండి విముక్తినిస్తుంది. వేపాకులను ఆరు నుండి ఎనిమిది గంటలపాటు నీటిలో నానబెట్టి తర్వాత పేస్ట్ చేసుకొని, శరీరం మొత్తం పూతలా రాసి అరగంట నుండి ముప్పావు గంట సేపు అలాగే వదిలేయాలి. తర్వాత చల్లటి నీటితో శుభ్రం చేసుకోవాలి. అంతే చర్మంకు సంబంధించిన ఎటువంటి సమస్యలు ఉండవు.

గసగసాలు: మిక్సీలో గసగసాలను వేసి మెత్తగా పేస్ట్ చేసుకోవాలి. ఆ పేస్ట్ లో కొద్దిగా నిమ్మరసం కలిపి చర్మానికి రాసినట్లైతే, చర్మం సమస్యలు నివారిస్తుంది.

స్నానం: ప్రతిరోజూ స్నానం చేయడం వల్ల ఎటువంటి చర్మసమస్యలు ధరిచేరకుండా ఉంటాయి. ముఖ్యంగా స్నానానికి ఎక్కువగా వేడినీళ్లు కాకుండా, చల్లనీళ్ళు లేదా గోరువెచ్చని నీళ్ళతో స్నానం చేయాలి. చల్ల నీటితో స్నానం చేయడం వల్ల రక్త ప్రసరణ బాగా అవుతుంది దాంతో శరీరం ఆహ్లాదకరంగా ఉంటుంది. పైన పేర్కొన్న చిట్కాన్నీ ఇంట్లో సహజపద్దతుల్లో చేసుకొంటే ఎటువంటి సమస్యలుండవు. తర్వాత కూడా స్కిన్ అలర్జీ తగ్గకుండా ఉంటే ప్రత్యేక స్కిన్ స్పెషలిస్ట్ ను సంప్రదించండి..