పుదీనా-వేపలతో చర్మానికి సాంత్వన...!

Skin Care

oi-Saraswathi

By Sindhu

Published: Friday, May 25, 2012, 12:01 [IST]

కమ్మని వాసనతో నిత్యం అందుబాటులో ఉండే పుదీనాలో యాంటీ సెప్టిక్ సుగుణాలున్నాయి. అతి దహాన్ని తీరుస్తుంది. అదనంగా వైటనింగ్ సుగుణం పుదీనా ప్రత్యేకం. అందుకే ఈ ఆకుల్ని కొన్నిరకాల సౌందర్య ఉత్పత్తుల తయారీల్లో వాడుతుంటారు. దీన్నుంచి తీసే ఆరోమా నూనెను చాలా ఎక్కువగా వాడుతుంటారు. ఈ ఆకులతో కొన్ని రకాల చర్మ సమస్యల్ని నివారించడం చాలా సులువు. అయితే ఈ ఆకుల్ని మరో పదార్థంతో కలిపి వాడాలి తప్ప చర్మం, శిరోజాలకు నేరుగా రాసేయకూడదు. లేదంటే వీటిల్లో ఉండే కొన్ని రకాల పదార్థాల వల్ల సమస్యలు ఎదురుకావచ్చు. ఈ వేసవంతా తీసుకునే పండ్లు లేదా కూరగాయల రసంలో నాలుగైదు పుదీనా ాకులు వేసుకుంటే శరీరానికి చలువ చేస్తుంది.

చర్మం ప్రకాశవంతంతా: చెంచా పుదీనా పొడిలో రెండు చెంచాల సోయాపిండి, చెంచా తేనె కలిపి ముఖానికి రాసుకోవాలి. ఇరవై నిమిషాల తర్వాత శుభ్రం చేసుకొంటే పొడిబారిన చర్మతత్వం గలవారైతే సోయాపిండి బదులు పాల పొడిని వాడుకోవచ్చు.

చర్మ ఛాయను మార్చే జ్యూస్ం పది పుదీనా ఆకులు, పెద్ద టమాటా సగం, కీరా, చిటికెడు మిరియాలపొడి, చిటికెడు ఉప్పు తీసుకుని అన్నింటినీ మిక్సీలో వేసి పానీయంలా చేసుకోవాలి. దీన్ని రోజుమార్చి రోజు తాగితే రక్తం శుద్ది జరగడమే కాదు. రంగు కూడా మారుతారు. మొటిమల సమస్య తగ్గుతుంది.

పుదీనా పూత: అరచెంచా పుదీనా పొడి చెంచా సెనగపిండి చెంచా టమాటా గుజ్జు, రెండు చుక్కల నిమ్మరసం.. అన్నింటినీ పాలతో కలిపి పూతలా తయారు చేసుకోవాలి. పిగ్మెంటేషన్ సమస్య ఉన్నచోట ఈ పూతను వేసుకుని పదిహేను నిమిషాలాగి నెమ్మదిగా రుద్దుతూ కడిగేయాలి. రెండు నెలల్లో మంచి ఫలితం ఉంటుంది.

వేస: వేపను సర్వరోగ నివారిణిగా పరిగనిస్తాం. ఈ చెట్టు ాకులు, పూలు, కొమ్మలు, జిగురు అన్నీ యాంటీసెప్టిక్, యాంటీబ్యాక్టీరియల్ గా పనిచేస్తాయి. కొందరికి వీపు బాగం కాంతి విహీనంగా కనిపిస్తుంది. ఈ సమస్య చాలా ఎక్కువగా ఉంటే నిపుణు ల దగ్గర చికిత్స్ తీసుకోవాలి. ఒకవేళ ప్రారంభ దశలో ఉన్నట్లయితే ఆ తాజా వేపాకు లేదా పొడి నాలుగు చెంచాలు తీసుకుని అందులో తేనె రెండు చెంచాలు, బియ్యప్పిండి లేదా సెనగపిండి రెండు చెంచాలు కలిపి వీపుభాగానికి రాయాలి. కొద్దసేపటి తర్వాత చల్లని నీటితో శుభ్రం చేయాలి. మెడభాగం నల్లగా ఉన్నవారు ఈ ప్యాక్ ను ఉపయోగించవచ్చు.