నిమ్మతో 'ఆయిల్ స్కిన్' కి చెక్....

Skin Care

oi-Saraswathi

By Sindhu

Published: Tuesday, January 24, 2012, 17:32 [IST]

శీతాకాలంలో అందరి చర్మాలు చాలా పొడిబారినట్టుగా, చర్మం చూడడానికి అంత అందంగా కనిపించదు. పొలుసులు పొలుసులుగా వుంటుంది. ఈ చలికాలంలో కొన్ని జాగ్రత్తలు తీసుకున్నట్లయితే మన చర్మాన్ని అందంగా తయారు చేసుకోవచ్చు. ఆయిల్ స్కిన్ ఉన్నవాళ్ళు ముఖ్యంగా గుర్తించుకోవాల్సింది చర్మాన్ని శుభ్రంగా ఉంచుకోవటం. వర్షాకాలము ఉండే వాతావరణం బట్టి తేమ శాతం మరీ ఎక్కువగాను, ఉష్ణోగ్రత మరి తక్కువగా వుం టుంది. ఎండ లేదుకదా అని మాయిశ్చరైజర్‌లు, సన్‌స్క్రీన్‌ లోషన్‌లు వాడటం మానేస్తారు. అందుకు కొన్ని చిట్కాలు పాటిస్తే సరి

1. ప్రతి రోజూ రెండు సార్లు గోరువెచ్చని నీటితో, నాణ్యత గల సోపుతో స్నానం చేయాలి. ఆహారపదార్ధాల్లో తీపి, కొవ్వు, ఉప్పు8 మొదలైన వాటిని తగ్గించాలి. బి2 విటమిన్‌ ఉన్న ఆహార పదార్ధాలు ఎక్కువ తీసుకోవాలి.
2. ఆయిల్‌ లేని క్రీములు, మాయిశ్చరైజర్లను వాడాలి. సౌందర్య ఉత్పత్తుల లేబుల్‌లో కమాడోజెనిక, నాన్‌ ఎక్నజెనిక, యాంటీ బాక్టీరియాల్‌ అని ఉన్న వాటినే కొనాలి. టీట్రీ, గ్రేప్‌ ఫ్రూట్‌, మొదలైన సౌందర్య ఉత్పత్తులు ఆయిల్‌ స్కిన్‌ వారికి తగిన ఉత్పత్తులు.
3. ఆయిల్‌ స్కిన్‌ ఉన్నవారికి నిమ్మకాయ బాగా పనిచేస్తుంది. శరీరంలోని వ్యర్ధ పదార్ధాన్ని బయటకు పంపుతుంది. ఒక చెంచా నిమ్మరసం, నాలుగు చెంచాల ఓట్‌మిల్‌ పొడి, రెండు చెంచాల తేనె, పెరుగు వీటిని ఒక గిన్నెలో వేసి, మిశ్రమంలా తయారుచేయాలి. దీనిని ముఖానికి మాస్క్‌లా వేసి, ఆరాక గోరు వెచ్చని నీటితో కడిగితే సరిపోతుంది.
4. ఓట్‌ మిల్‌తో మేని ఛాయను పెంపొందించుకోవచ్చు. రెండు చెంచాల కోకపొడి, తేనె, ఒక చెంచా చొప్పున ఓట్‌ మిల్‌ పొడి, పాల మీగడ కలిపి ముఖానికి మాస్క్‌ వేసి మర్దన చేయాలి. తరువాత గోరువెచ్చని నీటితో ముఖం శుభ్రం చేసుకోవాలి.
5. ఆయిల్‌ స్కిన్‌ ఉన్నవారు నిమ్మకాయ చెక్కతో ముఖాన్ని అయిదు నిముషాలు మర్దన చేసి, ఆవిరిపడితే నల్ల మచ్చలు, తెల్ల మచ్చలు వుంటే పోవడంతో పాటు చర్మం అందంగాను, మృదువుగా వుంటుంది. నిమ్మకాయ ముఖానికి రాసుకుని ఎక్కువ సేపు ఉంచకూడదు. ఆరిన వెంటనే క్లీన్‌ చేసుకోవాలి.