రోజ్ స్టీమ్ ప్యాక్ తో ప్రకాశవంతమైన మోము...!

గులాబీ రేకులను ఓ పాత్రలో మరిగించాలి. నీటి నుంచి పొగలు వస్తున్నప్పుడు ముఖానికి బాగా ఆవిరి పట్టించాలి. అలా పదినిమిషాలు ఉన్న తర్వాత మెత్తని టవల్ తో తుడిచి మాయిశ్చరైజర్ రాసుకోవాలి. ఈ రోజ్ స్టీమ్ తో చర్మం శుభ్రపడుతుంది. నల్లమచ్చలు క్రమంగా తొలగిపోయి ముఖం ప్రకాశవంతం అవుతుంది.

అలాగే తాజాగా ఉన్న రోజాపువ్వల రేకులు ఐదు, రెండు టీస్పూన్ల ముల్తానీ మట్టి , ఆరంజ్ పౌడర్ ఒక టీస్పూన్, ఎగ్ వైట్, రోజ్ వాటర్ తగినంత కలుపుకొని పేస్ట్ లా తయారు చేసుకోవాలి. గులాబి రేకులు నీటిలో మరగనిచ్చి ఆవిరి పట్టి, ముఖానికి, మెడకు పట్టించి ఈ పేస్ట్ మాస్క్ లా వేసికొని అరగంట తర్వాత క్లీన్ చేసినట్లైతే ముఖం తాజా ఉంటుంది.

గులబిరేకులు ఐదు, ఒక టీస్పూన్ నిమ్మరసం, రెండు టీస్పూన్ల పెసరపిండి, చిటికెడు పసుపు, నీళ్లు వేసుకొని పేస్ట్ లా చేసుకోవాలి. ముఖాన్ని శుభ్రం చేసుకొని తర్వాత ఈ పేస్ట్ ను అప్లై చేసి అరగంట తర్వాత చల్లని నీటితో శుభ్రం చేసుకుంటే ముఖం మృదువుగా, సున్నితంగా తయారవుతుంది.

ముఖం నిగనిగలాడాలంటే ‘ఓట్ మీల్ చాక్లెట్ ఫేస్ మాస్క్’ను వేసుకోచ్చు. రెండు టీ స్పూన్ల చొప్పున కోక్ పౌడర్, తేనె, ఒక్కో టీస్పూన్ చొప్పున ఓట్ మీల్ పౌడర్, పాలమీగడ కలిపి అరగంట సేపు పక్కనుంచాలి. తర్వాత ఈ మిశ్రమాన్ని బాగా కలియబెట్టి ముఖానికి మాస్క్ వేసి మర్దనా చేయాలి. పదినిమిషాలయ్యాక గోరువెచ్చని నీటితో శుభ్రం చేస్తే ముఖంలో తేడా మీకు ఇట్టే అర్థఅవుతుంది.

జిడ్డు చర్మాన్ని కాంతివంతం చేసి, శరీరంలోని వ్యర్థాలను బయటకు పంపించేందుకు ‘లెమన్ హనీ ఫేస్ ప్యాక్’ ట్రై చెయ్యవచ్చు. నిమ్మరసం, ఓట్ మీల్ పౌడర్, తేనె, పెరుగులను సమపాళ్లలో తీసుకుని ఓ గిన్నెలో వేసి చక్కగా మిశ్రమంలా చేసుకోవాలి. తర్వాత దాన్ని ముఖానికి మాస్క్లా వేసి ఆరిన తర్వాత గోరువెచ్చని నీటితో శుభ్రం చేస్తే ముఖం మిలమిలా మెరిసిపోతుంది.