స్వచ్ఛమైన..తెల్లని చర్మఛాయ పొందడానికి షుగర్ స్ర్కబ్

పంచదార:

మీరు చర్మం సంరక్షణకు తీసుకోండానికి సమయం లేనప్పుడు, మీరు ముఖాన్ని చల్లటి నీటితో శుభ్రం చేసుకొని, పంచదారతో ముఖం మీద స్ర్కబ్ చేయాలి.5నిముషాల తర్వాత చల్లటి నీటితో కడగడం వల్ల స్వచ్చమైన మెరిసేటి చర్మం పొందవచ్చు.

క్లెన్సర్:

మీ క్లెన్సర్ తో పాటు కొద్దిగా షుగర్ ను కూడా మిక్స్ చేసి, పక్కన పెట్టుకొని, చల్లటి నీటితో ముఖం కడిగి తర్వాత ఈ క్లెన్సర్ ను ముఖం మీద అప్లై చేయాలి. 5నిముషాల తర్వాత చల్లటి నీటితో శుభ్రం చేసుకోవాలి.

నిమ్మరసం:

ఒక కప్పులు నిమ్మరసాన్ని పిండి అందులో కొద్దిగా షుగర్ మిక్స్ చేసి, ఈ మిశ్రమాన్ని ముఖానికి అప్లై చేయాలి. ఇది చర్మ సంరక్షణకు ఒక బ్లీచింగ్ ఏజెంట్ గా ఉపయోగపడుతుంది. నిమ్మరసానికి షుగర్ మిక్స్ చేయడం వల్ల ఒక బెస్ట్ క్లీనింగ్ స్క్రబ్ గా మారుతుంది. దీన్ని ఉపయోగించడం వల్ల చర్మం కూడా తెల్లగా మారుతుంది.

గ్రీన్ టీ:

గ్రీన్ టీలో యాంటీ ఏజింగ్ లక్షణాలు పుష్కలంగా ఉన్నాయి మరియు చర్మం మీద ఏర్పడ్డ స్కార్స్ టిష్యులను తొలగిస్తుంది. గ్రీన్ టీ ఆకులను కొద్దిగా ఉడికించి, చల్లార్చి, వడగట్టి, అందులో కొద్దిగా షుగర్ మిక్స్ చేసి ఈ మిశ్రమాన్ని ముఖానికి అప్లై చేయడం వల్ల ముడుతలు లేని క్లియర్ స్కిన్ మరియు బిగువైన చర్మ సౌందర్యాన్ని పొందవచ్చు.

కొబ్బరి నూనె:

కొబ్బరి నూనెలో కొద్దిగా పంచదార మిక్స్ చేసి ముఖానికి అప్లై చేయాలి. ఇది ఒక బెస్ట్ హోం మేడ్ స్ర్కబ్బర్ గా ఉపయోగపడుతుంది. మీరు స్ర్కబ్బింగ్ కోసం ఇతర ఆయిల్స్ అంటే బాదం, రోజ్మెరీ, జోజోబా ఆయిల్ లేదా ఆలివ్ ఆయిల్ ను కూడా ఉపయోగించవచ్చు.

పాలు:

పాలతో పంచదారను మిక్స్ చేసి అందులో కొద్దిగా సాండిల్ వుడ్ పౌడర్ కూడా వేసి, మిక్స్ చేయాలి. ఇది ఒక ఉత్తమ హోం మేడ్ షుగర్ స్ర్కబ్. దీన్ని ముఖానికి అప్లై చేయడం వల్ల చర్మాన్ని ఎక్స్ ఫ్లోయేట్ చేస్తుంది మరియు చర్మం తెల్లగా మారుతుంది.

బాదం:

బాదంను రాత్రంతా నీళ్ళలో నానబెట్టి, ఉదయం నీరు వంపేసి, మిక్సీలో వేసి మెత్తగా పేస్ట్ చేయాలి. తర్వాత ఈ పేస్ట్ కు కొద్దిగా పంచదార మిక్స్ చేసి కొద్దిగా బాదాం ఆయిల్ కూడా వేసి, బాగా మిక్స్ చేసి ముఖానికి అప్లై చేయాలి. ఈ బాదం స్ర్కబ్ చర్మాన్నిశుభ్రం చేస్తుంది.