అబ్బాయిల్లో మొటిమలను తేలికగా నివారించే ఎఫెక్టివ్ హోం రెమిడీస్..!!

టూత్ పేస్ట్

మొటిమలు నివారించడంలో టూత్ పేస్ట్ ఎఫెక్టివ్ గా పనిచేస్తుంది. అయితే వైట్ టూత్ పేస్ట్ ని మొటిమపై రాసుకుని.. గంట లేదా రెండు గంటల తర్వాత శుభ్రం చేసుకోవాలి. చాలా త్వరగా మొటిమలు మాయం అవుతాయి.

పుదీనా ఆకులు

పుదీనల యాంటీ బ్యాక్టీరియల్ గుణాలు పుష్కలంగా ఉంటాయి. ఇవి ముఖంపై క్లెన్సింగ్ లా పనిచేస్తాయి. అయితే పుదీన ఆకులను ముఖానికి పట్టించడం వల్ల చర్మాన్ని క్లెన్స్ చేయడమే కాకుండా.. మొటిమల నుంచి ఉపశమనం కలిగిస్తాయి. కాబట్టి కొన్ని పుదీనా ఆకులను తీసుకుని.. నీళ్లు కలిపి పేస్ట్ లా తయారు చేసి పట్టిస్తే చాలు.

ఆవిరి పట్టడం

మొటమిలు నివారించడానికి ఇదో తేలికైన పరిష్కారం. ఒక గిన్నెలో నీళ్లు బాగా మారిగించి.. ముఖం కవర్ అయ్యేలా ఏదైనా కప్పుకుని.. ముఖానికి, మెడకు బాగా ఆవిరి పట్టాలి. ఇలా రోజుకి రెండు మూడుసార్లు చేస్తే.. మొటిమలు దూరం అవుతాయి.

ఐస్ ప్యాక్

ముఖంపై మొటిమలకు ప్రధాన కారణమైన దుమ్ము, ధూళిని ఐస్ ఎఫెక్టివ్ గా తొలగిస్తుంది. చిన్న క్లాత్ లో ఐస్ క్యూబ్స్ ని చుట్టి.. ముఖానికి, ఎర్రగా, వాపు వచ్చిన దగ్గర పట్టించాలి. ఇలా రోజుకి రెండుసార్లు చేస్తే ఫలితం ఉంటుంది.

తేనె

కాటన్ బాల్ తీసుకుని తేనెలో ముంచి ముఖానికి పట్టించాలి. 15 నుంచి 20 నిమిషాలు ఆరిన తర్వాత.. గోరువెచ్చని నీటితో శుభ్రం చేసుకోవాలి. ఇలా మూడు సార్లు చేస్తే.. మొటిమలు మాయం అవుతాయి.

బొప్పాయి

బొప్పాయి మొటిమల వల్ల వచ్చే వాపుని తగ్గిస్తాయి. ఇందులో ఉండే యాంటీ ఆక్సిడెంట్స్.. పింపుల్స్ ని ఎఫెక్టివ్ గా తగ్గిస్తాయి. కొద్దిగా బొప్పాయి జ్యూస్ తీసి.. ముఖానికి పట్టించి 15 నుంచి20 నిమిషాలు ఆరిన తర్వాత శుభ్రం చేసుకోవాలి.

నారింజ తొక్కలు

ఆరంజ్ తొక్కకు కొద్దిగా నీళ్లు కలిపి పేస్ట్ చేయాలి. ఈ ప్యాక్ ని ముఖానికి పట్టించి 25 నిమిషాల తర్వాత శుభ్రం చేసుకుంటే.. తేడా మీకే తెలుస్తుంది.

యాపిల్ సైడర్ వెనిగర్

యాపిల్ సైడర్ వెనిగర్ తీసుకుని.. ముఖంపై మొటిమలు ఉన్నదగ్గర పట్టించాలి. దీన్ని ముఖంపై అలాగే ఉండేలా జాగ్రత్తపడండి. శుభ్రం చేసుకోకూడదు. అంతే.. మొటిమలు ఫాస్ట్ గా తగ్గిపోతాయి.

పసుపు

ఒక టేబుల్ స్పూన్ పసుపు, కొన్ని చుక్కల నీళ్లు కలిపి పేస్ట్ చేసుకోవాలి. ఈ మిశ్రమాన్ని ముఖానికి పట్టించి.. శుభ్రం చేసుకుంటే.. ఇకపై ముఖంపై పింపుల్స్ వచ్చే సమస్యే ఉండదు.

వెల్లుల్లి

మొటిమలు నివారించడంలో వెల్లుల్లి చాలా న్యాచురల్ గా పనిచేస్తుంది. ఇది విష పదార్థాలను తగ్గించడమే కాకుండా, జీవక్రియ రేటును కూడా పెంచుతుంది. మొటిమలపై వెల్లుల్లి రెబ్బను కాస్త దంచి పెట్టుకుంటే మంచి ఫలితం ఉంటుంది. లేదా వెల్లుల్లి రసం రాసినా సరిపోతుంది.

కొత్తిమీర

కొత్తిమీర రసం మొటిమలు తగ్గించే ఎఫెక్టివ్ రెమిడీ. అర స్పూన్ పసుపు, కొత్తిమీర రసం కలిపి పేస్ట్ చేసుకోవాలి. ఈ మిశ్రమాన్ని రాత్రి పడుకోవడానికి ముందు అప్లై చేసి.. ఉదయం శుభ్రం చేసుకోవాలి.

ఎగ్ వైట్ ప్యాక్

ఒక గుడ్డు నుంచి ఎగ్ వైట్ తీసి.. ముఖానికి పట్టించాలి. 15 నిమిషాలు ఆరిన తర్వాత.. శుభ్రం చేసుకుంటే.. వెంటనే ఫలితాలు చూడవచ్చు.