నల్లటి బొగ్గుతో తెల్లగా నిగనిగలాడే చర్మ రహస్యం

ముఖంపై గుంతలు

చార్కోల్ ని ఫేస్ మాస్క్ లా అప్లై చేస్తే.. చర్మంపై ఉన్న దుమ్ము, ధూళి తొలగిపోయి, ముఖంపై ఉన్న గుంతలు కనిపించకుండా మాయం చేస్తుంది. అలాగే ముఖానికి ఫ్రెష్ లుక్ తీసుకొస్తుంది. ఒకవేళ స్ర్కబ్ చేస్తే.. డెడ్ స్కిన్ సెల్స్ తొలగిపోతాయి.

జిడ్డు చర్మానికి

మీది ఆయిలీ స్కిన్ అయితే.. యాక్టివేటెడ్ చార్కోల్ ఉపయోగిస్తే.. జిడ్డు వదిలిపోవాల్సిందే. ఈ మిశ్రమంతో ఫేస్ కి మాస్క్ అప్లై చేస్తే.. అదనపు ఆయిల్ తొలగించి.. చర్మాన్ని స్మూత్ గా మారుస్తుంది. వారానికి ఒకసారి లేదా రెండుసార్లు మాస్క్ వేసుకుంటే.. మంచి ఫలితం ఉంటుంది.

యాక్నే

యాక్నే తీవ్రంగా ఇబ్బంది పెడుతుంటే.. చార్కోల్ చక్కటి పరిష్కారం. ఒకవేళ అక్కడక్కడ మొటిమలు ఉంటే.. అవి ఉన్న ప్రాంతంలో మాత్రమే ఈ చార్కోల్ అప్లై చేయండి. లేదా ముఖానికి మొత్తం అప్లై చేసినా ప్రాబ్లమ్ ఉండదు.

డీప్ క్లీన్

యాక్టివేటెడ్ చార్కోల్ ఉన్న సోప్స్ కానీ, ఇంకేదైనా ఫేస్ వాష్ లు గానీ ఉపయోగించడం వల్ల చర్మానికి మంచి క్లెన్సింగ్ లా ఉపయోగపడుతుంది. కానీ రోజూ ఉపయోగించకపోవడం మంచిది.

చర్మ సమస్యలు

చర్మంపై ఏదైనా గాట్లు, లేదా వంటచేసేటప్పుడు కోసుకుపోవడం వంటి సమస్యలు ఎదురైనప్పుడు ఆ గాయం త్వరగా మానడానికి యాక్టివేటెడ్ చార్కోల్ మంచి ఉపశమనం కలిగిస్తుంది. చార్కోల్ పేస్ట్ ని గాయంపై అప్లై చేస్తే.. ఇన్ఫెక్షన్ కాకుండా నివారించవచ్చు. అలాగే వాపు, నొప్పుని కూడా వెంటనే తగ్గిస్తుంది. బొగ్గు పొడి, నీళ్లు కలిపి పేస్ట్ లా మిక్స్ చేసి అప్లై చేయడమే.

జుట్టుకి

చార్కోల్ ని జుట్టుకి అప్లై చేస్తే.. జిడ్డు, దుమ్ము, టాక్సిన్స్ తొలగిపోతాయి. చర్మంపై ఎలా పనిచేస్తుందో అలాగే.. జుట్టుపైనా పనిచేస్తుంది. కావాలంటే.. చార్కోల్ ఉన్న షాంపూలు ఉపయోగిస్తే సరిపోతుంది. లేదంటే.. రెగ్యులర్ షాంపూకి ఒక టీస్పూన్ యాక్టివేటెడ్ చార్కోల్ కలిపి వాడిత సరిపోతుంది. అయితే చార్కోల్ ఎక్కడ లభిస్తుందా అని ఆలోచిస్తున్నారా ? చార్కోల్ పౌడర్ లేదా టాబ్లెట్స్ మార్కెట్ లో అందుబాటులో ఉంటాయి.

ఒత్తైన జుట్టుడి

జుట్టు పలుచగా మారిందంటే.. రెగ్యులర్ షాంపూకి బదులు యాక్టివేటెడ్ చార్కోల్ షాంపూ ఉపయోగించడం మంచిది. ఇది జుట్టులో ఉండే డర్ట్ తొలగించడంలో ఎఫెక్టివ్ గా పనిచేస్తుంది.

స్కాల్ఫ్ ప్రాబ్లమ్స్

తలలో చుండ్రు, దురద, జిడ్డుదనం, వంటి సమస్యలకు చక్కటి పరిష్కారం చార్కోల్. స్కాల్ఫ్ ట్రీట్మెంట్ గా దీన్ని ఉపయోగించవచ్చు. చేయాల్సిందల్లా ఒక్కటే మీ రెగ్యులర్ షాంపూలో కాస్త చార్కోల్ కలిపితే సరిపోతుంది.

చూశారుగా చార్కోల్ పవర్ ఫుల్ బ్యూటీ బెన్ఫిట్స్. చార్కోల్ పౌడర్ లేదా టాబ్లెట్స్ తీసుకుని.. ఇంట్లో పెట్టుకోండి. ఎలాంటి సమస్యకైనా చక్కగా పనిచేస్తుంది.