Just In
- 48 min ago పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- 1 hr ago మేషరాశిలో శుక్రుడి సంచారం ఈ రాశుల వారు భోగభాగ్యాలతో విలాసవంతమైన జీవితం గడుపుతారు
- 2 hrs ago టాక్సిక్ రిలేషన్షిప్లో ఉన్నారనడానికి ఇవే సంకేతాలు.. ?
- 2 hrs ago హడలెత్తిస్తున్న Bird Flu పాలు,గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
Don't Miss
- News మోదీని ప్రధానిని చెయ్యండి.. తెలంగాణాలో ముస్లిం రిజర్వేషన్లు రద్దు చేస్తాం: అమిత్ షా
- Technology వన్ప్లస్ 13 స్మార్ట్ఫోన్ కీలక వివరాలు లీక్.. 6.8 అంగుళాల డిస్ప్లే, 50MP కెమెరా సహా.. పూర్తి వివరాలు..!
- Sports KKR Playing XI: రూ. 24.75 కోట్ల ఆటగాడిపై వేటు! పంజాబ్తో తలపడే కేకేఆర్ తుది జట్టు ఇదే!
చర్మసంరక్షణలో క్యారట్ వాడటం వల్ల లాభాలు
క్యారట్లలో యాంటీఆక్సిడెంట్లు నిండి వుంటాయి, అలాగే క్యారట్లలో ఎక్కువగా బీటా- కెరోటిన్, ఖనిజలవణాలు, ఇతర విటమిన్లు ఉంటాయి.
కానీ ఈ ఆరోగ్య లాభాలతో పాటు క్యారట్లు మీ అందాన్ని కూడా పెంచుతాయని మీకు తెలుసా? అవును, మీరు విన్నది నిజమే. క్యారట్లు యవ్వనవంతమైన, అందమైన చర్మాన్ని పొందటానికి మాస్కులు, ప్యాక్ లలో వాడవచ్చు.
ఎలా వాడాలని ఆశ్చర్యపోతున్నట్టున్నారు కదూ! ఏం ఆలోచించకండి. ఈ ఆర్టికల్ లో మీకు క్యారట్లు చర్మంకి ఎలా ఉపయోగపడతాయో ఆ లాభాల పూర్తి లిస్టు,అలాగే ప్యాక్ లు,మాస్క్ ల రూపంలో ఎలా వాడవచ్చో, అందమైన, ఏ సమస్యలు లేని చర్మం ఎలా పొందవచ్చో వివరించబడింది. ఆలస్యం ఎందుకు? చదవండి.
1.మెరిసే చర్మం కోసం
క్యారట్లలో విటమిన్ సి, యాంటీఆక్సిడెంట్లు ఉండి చర్మాన్ని మెరిసేలా చేస్తాయి. క్యారట్లు తినడం వలన చర్మం ఆరోగ్యంగా, మృదువుగా ఉంటుంది. క్యారట్ ను బయట ఎలా వాడితే చర్మం కాంతివంతంగా మారుతుందో ఇప్పుడు చూద్దాం.
దీనికోసం, తురిమిన క్యారట్ ను కొంచెం తేనెతో కలపండి. దీన్ని ముఖంపై రాసుకోండి.15 నిమిషాలు అలానే ఉంచి కడిగేసి తువ్వాలుతో అద్దుకోండి. ఇలా మంచి ఫలితాలకోసం వారానికి రెండుసార్లు చేయండి.
2.ఎండిపోయిన చర్మాన్ని బాగుచేస్తుంది
మీకు పొడి చర్మం ఉన్నట్లయితే, ఈ సులభమైన దోసకాయ క్యారట్ ఫేస్ మాస్క్ దాన్ని నయం చేయటంలో సాయం చేస్తుంది. దీన్ని యాంటీ ఏజింగ్ మాస్క్ గా కూడా వాడవచ్చు.
కావాల్సిన వస్తువులు ;
2-3 చెంచాల క్యారట్ రసం
1 చెంచా దోసకాయ పేస్టు
1 చెంచా పుల్లని క్రీమ్
ఎలా వాడాలి;
అన్ని పదార్థాలు కలిపి పేస్టులా తయారుచేయండి. ఈ పేస్టును మీ మెడ, మొహంపై రాసుకుని 15 నిమిషాలు అలానే ఉంచండి. 15 నిమిషాల తర్వాత గోరువెచ్చని నీటితో కడిగేయండి. ఈ మాస్క్ మీ చర్మాన్ని మృదువుగా, తేమగా ఉంచుతుంది, అలా పొడిబారకుండా ఉంటుంది.
3.జిడ్డు చర్మానికి
ఈ మాస్క్ చర్మాన్ని మృదువుగా, శుభ్రంగా మారుస్తుంది. జిడ్డు చర్మంపై ముఖ్యంగా మొటిమలు వస్తాయి. ఈ మాస్క్ మీ మొహంపై ఉన్న ఎక్కువ జిడ్డును తీసేస్తుంది.
కావాల్సిన వస్తువులు
3 చెంచాల క్యారట్ రసం
1 చెంచా మజ్జిగ
2 చెంచాల సెనగపిండి
1 చెంచా నిమ్మరసం
ఎలా వాడాలి;
అన్ని పదార్థాలను కలిపి పేస్టులా తయారుచేయండి. దీన్ని మీ మొహం, మెడపై రాసుకోండి.30 నిమిషాల తర్వాత గోరువెచ్చని నీరుతో కడిగేసి తువ్వాలుతో తుడుచుకోండి. ఈ మాస్క్ జిడ్డు చర్మం ఉన్నవారికి బాగా పనిచేస్తుంది అలాగే మీ చర్మాన్ని యవ్వనంతో కన్పడేలా చేస్తుంది.
4.ట్యాన్ పోగొట్టడంలో సాయపడుతుంది
ఈ ప్యాక్ ఎండవల్ల వచ్చిన ట్యాన్ ను పోగొట్టి ఒకే రకమైన చర్మం రంగును ఇస్తుంది. ట్యాన్ చచ్చిపోయిన చర్మకణాల వలన వస్తుంది. ఈ ప్యాక్ మృతకణాలు తీసేసి చర్మాన్ని కాంతివంతంగా చేస్తుంది.
కావాల్సిన వస్తువులు
1 చెంచా క్యారట్ రసం
1చెంచా గుడ్డు తెల్లసొన
1 చెంచా పెరుగు
ఎలా వాడాలి
అన్ని పదార్థాలను కలిపేసి మిశ్రమాన్ని మీ మొహం, మెడకి రాసుకోండి. 20 నిమిషాలు అలా ఉండనిచ్చి గోరువెచ్చని నీరుతో కడిగేయండి. ఈ మాస్క్ మీ మొహంపై సహజకాంతిని తిరిగితెస్తుంది. దీన్ని వారానికి రెండుసార్లు అయినా ప్రయత్నించండి.
5.మచ్చలను తొలగించటానికి
ఈ మాస్క్ క్రమం తప్పకుండా వాడితే మచ్చలను తొలగించటంలో సాయపడుతుంది.
కావాల్సిన వస్తువులుః
2 తొక్కు తీసిన, ఉడికించి మెత్తని ముద్దలా చేసిన క్యారట్లు
1 చెంచా నిమ్మరసం
2చెంచాల తేనె
1 చెంచా ఆలివ్ నూనె
ఎలా వాడాలిః
పైన పదార్థాలన్నీ గట్టి పేస్టులా కలపండి. శుభ్రమైన మొహం మీద, మెడ మీదా పట్టించి 30 నిమిషాలపాటు వదిలేయండి. గోరువెచ్చని నీరుతో కడిగేసి తువ్వాలుతో వత్తండి. మీ చర్మం జిడ్డుదైతే ఆలివ్ నూనె వాడవద్దు.