ఈ హోం మేడ్ మాస్క్ ల తో సాగిన చర్మాన్ని బిగుతుగా మార్చుకోండి

1. కాఫీ:

కాఫీలో ఉండే కెఫిన్ చర్మంలో ఉండే అదనపు తేమను తొలగించి బిగుతుగా మారుస్తుంది.

కావాల్సిన పదార్థాలు:

పావు కప్పు కాఫీ పొడి

పావు కప్పు బ్రౌన్ షుగర్

మూడు టేబుల్ స్పూన్ల కొబ్బరినూనె లేదా ఆలివ్ ఆయిల్

అర టీ స్పూన్ దాల్చినచెక్క పొడి

వాడే పద్ధతి:

ఒక గిన్నెలో పైన చెప్పిన పదార్థాలన్నీ బాగా కలపాలి. కొబ్బరినూనె కనుక గడ్డకట్టినట్లైతే కరిగించి వాడండి. ఈ మిశ్రమాన్ని ముఖానికి పట్టించి వలయాకారంలో మృదువుగా మర్దన చేయాలి. తరువాత కొన్ని నిమిషాల పాటు అలా వదిలేయండి. చివరకు గోరువెచ్చని నీటితో కడిగేయండి. దీనిని వారానికి రెండు సార్లు వాడండి.

2. టొమాటో:

టొమాటో చర్మానికి సహజ టోనర్ గా పనిచేసి చర్మం బిగుతుగా మారడానికి సహకరిస్తుంది. దీనిని ఎలా ఉపయోగించాలో తెలుసుకుందాం.

కావాల్సిన పదార్థాలు:

ఒక టొమాటో

దూది ఉండ

వాడే పద్ధతి:

ఒక టొమాటోను పిండి దానిలోని రసాన్ని వెలికితీయండి. ఆ రసంలో దూది ఉండను ముంచి ముఖంపై సున్నితంగా అద్దండి.పది పదిహేను నిమిషాల పాటు ఆరనిచ్చి చల్లని నీటితో కడిగేయండి. ఇలా రోజుకు రెండు సార్లు చేయండి. ఇది చర్మాన్ని బిగుతుగా మార్చడానికి చాలా తేలికైన ఉపాయం.

3. బొప్పాయి:

దీనిలో ఉండే విటమిన్ A మరియు యాంటీ ఆక్సిడెంట్లు చర్మాన్ని నునుపుగా మరియు మృదువుగా మారుస్తాయి.బొప్పాయి లో ఉండే ఎంజైములు చర్మం సాగడాన్ని అరికడతాయి.

కావలసిన పదార్థాలు:

బాగా మగ్గిన బొప్పాయి

1-2 టేబుల్ స్పూన్ల వరిపిండి

వాడే పద్ధతి:

బొప్పాయిని చిన్నచిన్న ముక్కలుగా కోసి బ్లెండ్ చేయండి. దీనికి వరిపిండిని కలిపి ముద్దగా చేయండి. ఈ పేస్టును ముఖంపై వేళ్ళను పైదిశగా కదుపుతూ మర్దన చేసుకోండి. ఇలా పదిహేను నిమిషాల పాటు చేయండి. తరువాత చల్లని నీటితో శుభ్రం చేసుకోవాలి. ఇలా వారానికి ఒకసారి చేస్తే మంచి ఫలితముంటుంది.

4. గ్రుడ్డులోని తెల్లసొన:

గ్రుడ్డు తెల్లసొనలో ఉండే ప్రోటీన్ చర్మం యొక్క ఎలాస్టిసిటీని పెంపొందిస్తుంది. ఇది మృతకణాలను తొలగించి చర్మానికి సహజ మెరుపునిస్తుంది.

కావలసిన పదార్థాలు:

ఒక గ్రుడ్డు తెల్లసొన

రెండు టేబుల్ స్పూన్ల తేనె

వాడే పద్ధతి:

గుడ్డు తెల్లసొనను తేనెను బాగా కలపాలి. దీనిని ముఖానికి రాసుకుని పదిహేను నిమిషాల పాటు ఆరనివ్వాలి. తరువాత నీటితో కడిగేయండి. ఇలా నెలకి మూడు సార్లు చేస్తే బిగుతైన చర్మం మీ సొంతం.

5. అరటి పండు:

అరటి పండ్లలో ఉండే ఖనిజాలు మరియు విటమిన్లలో యాంటీ ఏజింగ్ లక్షణాలు ఉన్నందున, బాగా మగ్గిన అరటి పండ్లను చిదిమి చర్మం బిగుతుగా మారడానికి వాడవచ్చు.

కావలసిన పదార్థాలు:

బాగా మగ్గిన అరటి పండు

రెండు లేదా మూడు స్పూన్ల నిమ్మరసం

వాడే పద్ధతి:

గుజ్జుగా చేసిన ఒక మగ్గిన అరటి పండుకు కొన్ని చుక్కల నిమ్మరసం కలపాలి. దీనిని ముఖానికి రాసుకుని పది నిమిషాలు ఆరనివ్వండి. తరువాత నీటితో కడిగేయండి. మంచి ఫలితాల కోసం వారానికి రెండు సార్లు వాడండి.