డయాబెటీస్ ను నియంత్రించే ఆహారం!

Diabetes

oi-Nageswara

By B N Sharma

Published: Tuesday, September 20, 2011, 11:30 [IST]

డయాబెటీస్ ను కంట్రోల్ చేయాలంటే ప్రధానమైంది ఆహారం, అది తీసుకునే సమయాలు. ప్రారంభంలో డయాబెటీస్ ను ఆహారంతోనే నియంత్రించవచ్చు. కాని వ్యాధి ముదిరే కొద్ది ఆహార నియంత్రణ సరిపోదు మందులు వాడాల్సిందే. టాబ్లెట్లతో చాలాకాలం డయాబెటీస్ ను నియంత్రించవచ్చు. అయితే, టాబ్లెట్లకు కూడా నయం కాని పరిస్ధితి ఎదురైతే, ఇన్సులిన్ నేరుగా ఇంజెక్షన్ల ద్వారా ఇవ్వవలసి వుంటుంది.

డయాబెటీస్ నియంత్రణకు ఖచ్చితమైన ఆహార ప్రణాళిక వేసుకునే కంటే కూడా ప్రణాళిక లేకుండా ఆహార నియమాలను ఖచ్చితంగా పాటించటమే మంచిది. నేటి ఆధునిక తీరుతెన్నుల ఆహార లభ్యతలతో ఆహార ప్రణాళిక చాలావరకు ఆచరించటం కష్టం. డయాబెటిక్ ఆహారం ఏ రకంగా వుండాలంటే, మీరు ఏం తినాలనేది తెలియాలి. ఎంత తినాలనేది తెలియాలి ఏమి తినకూడదో తెలియాలి.

తినాలా ? వద్దా? అనేది కాదు ప్రశ్న ఇక్కడ...తినే ఆహారం సరిగా వుందా? లేదా అనేది నిర్ణయించుకోవాలి. సాధారణంగా తక్కువ పరిమాణంలో మూడు భోజనాలు, మూడు అల్పాహారాలు తీసుకోవాలి. భోజనానికి భోజనానికి మధ్య అల్పాహారం తీసుకోండి. తీసుకునే ఆహారంలో కార్బోహైడ్రేట్లు, కొవ్వు, ప్రొటీన్, మినరల్స్, విటమిన్ నీరు వుండాలి.

డయాబెటీస్ గలవారికి పీచు పదార్ధాలు తినటం చాలా మేలు చేస్తుంది. పీచు పదార్ధాలు కూరగాయలు, కాయ ధాన్యాలు, పండ్లు, బ్రౌన్ బ్రెడ్ మొదలగు వాటిలో వుంటాయి. పీచు పదార్ధాల కారణంగా మలవిసర్జన బాగా జరిగి ఆరోగ్యం ఏర్పడుతుంది. సలాడ్లు, వెజిటబుల్స్ అధికంగా తిని పోషకాహార విలువలను సమతుల్యం చేసుకోండి. డయాబెటీక్ రోగులు మాంసాహారం తినరాదని లేదు. ప్రత్యేకంగా ఏవైనా కిడ్నీ సమస్యలవంటివి వుంటే తప్ప మాంసాహారం, చేపలు మొదలైనవి తినవచ్చు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.