మధుమేహం - ఎంత తియ్యనో....అంత హాని!

డయాబెటీస్ వ్యాధి అంటువ్యాధి కాదు. కనుక కుటుంబంలో ఏ ఒక్కిరికి వున్నా ఇతరులకు వచ్చే ప్రసక్తి లేదని గుర్తించండి. అయితే ఈ షుగర్ వ్యాధి శరీరంలో ప్రవేశించినవారికి మాత్రం అత్యంత హానికరం. దీనివలన శరీరంలోని అన్ని అవయవాలు మీకు తెలియకుండానే దెబ్బతినే ప్రమాదం వుంది. గుండె, కిడ్నీలు, కళ్ళు వంటి ప్రధాన శరీర అవయవాలు దెబ్బతినడమే కాదు, చివరకు అది నియంత్రించకుంటే ప్రాణాన్ని సైతం తీసుకుంటుంది.

నేషనల్ అర్బన్ డయాబెటిస్ సర్వే 2001లో హైదరాబాద్, బెంగళూర్, ఢిల్లీ, ముంబయ్, చెన్నయ్ వంటి వివిధ నగరాలలో తన సర్వే నిర్వహించింది. మిగతా నగరాలతో పోల్చితే హైదరాబాద్‌ నగరంలో పాతికేళ్లు దాటిన ప్రతి ఆరుగురిలో ఒకరికి మధుమేహం ఉన్నట్టుగా వెల్లడైంది. ఇప్పటికి ఈ సంఖ్య మరింత అధికమై వుండవచ్చు. దీనికి కారణం మారుతున్న జీవన విధానాలేనని వైద్య నిపుణులు చెపుతున్నారు. డయాబెటీస్ వ్యాధి లేనివారు వారికి ఈ జబ్బు లేదు కదా అని నిర్లక్ష్యంగా ఉండేందుకు వీలు లేదు. ఎందుకంటే ఈ వ్యాధి ఏ వయసువారికైనా, ఏ సమయంలోనైనా సరే వచ్చే అవకాశాలు ఉన్నాయి. కారణాలు కనిపెట్టి, ఎప్పటికపుడు తగినంత శ్రద్ధ వహిస్తే ఈ వ్యాధి బారిన పడకుండా చూసుకోవచ్చు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.