శ్రీమతికి ప్రెషర్ కుక్కర్ బహుమానమా? ఆగండి...?

By B N Sharma

Published: Wednesday, May 9, 2012, 11:41 [IST]

Rice Cooked in Pressure Cooker Cause Diabetes

నేటిరోజులలో మారుతున్న లైఫ్‌స్టైల్ ప్రభావం నిత్యం చేసుకునే వంటలపై కూడా పడిందనే చెప్పాలి. వంటింటికి ఎన్నో రకాలైన ఎలక్ట్రానిక్ ఉపకరణాలు వస్తూ ఉన్నాయి. కార్యాలయాలకు, వ్యాపారాలకు వెళ్లే మహిళలకు కుక్కర్ వంటి వంటింటి ఉపకరణాలు ఎంతో సహకరించినా.. కుక్కర్లో వండిన అన్నాన్ని తినడం ద్వారా డయాబెటిస్ రావడం ఖచ్చితమని ఒక తాజా అధ్యయనంలో తేలింది.

కుక్కర్లో వంట చేయడం చాలా తేలిక. అయితే ఆ ఆహారాన్ని తినడం ద్వారా డయాబెటిస్ వచ్చే అవకాశం గ్యారంటీగా ఉందని ఆరోగ్య నిపుణులు హెచ్చరిస్తున్నారు. ఆహారాన్ని ఉడికించి వంచే అన్నంలో 30 నుంచి 40 శాతం కార్బొహైడ్రేట్లు తగ్గిపోతాయి. ఇది రక్తంలోని చక్కెర శాతాన్ని పెంచబోదు. అయితే కుక్కర్లో అన్నం వండేటప్పుడు మాత్రం అన్నంలోని పిండి పదార్థాలు అంటే కార్బో హైడ్రేట్లు పూర్తి శాతం అలాగే ఉండిపోతాయి.

కుక్కర్లో వండిన అన్నంలో గంజి అలాగే ఉండిపోతుంది. గంజిలో కేలరీలు, గ్లూకోజ్ శాతం అధికం. ఈ రెండు రక్తంలోని చక్కెర శాతాన్ని ఉన్నట్టుండి పెంచేస్తాయి. కుక్కర్లో వండిన అన్నాన్ని తీసుకునే వారిలో కొంతమందికి కొత్తగా మధుమేహం వచ్చే అవకాశం ఉంది.

ఇంకా పీచు పదార్థాలతో కూడిన గంజి అన్నాన్ని అంటే కుక్కర్లో వండినదాన్ని తీసుకోవడం అంత మంచిది కాదని, గంజి వార్చిన అన్నాన్ని తీసుకోవడం ద్వారానే రక్తంలోని చక్కెర శాతాన్ని నియంత్రిస్తుందని నిపుణులు అంటున్నారు. బియ్యం ఎంత ఉడికితే అంత మంచిదని, చాలా తక్కువ సమయంలో ఉడికించిన అన్నాన్ని తీసుకుంటే ఆరోగ్య సమస్యలు తలెత్తే అవకాశం ఉందని వారు సూచిస్తున్నారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.