వ్యక్తిగత పరిశుభ్రత - షుగర్ వ్యాధి!

Diabetes

oi-Nageswara

By B N Sharma

Published: Sunday, March 18, 2012, 10:16 [IST]

సాధారణంగా మన దేశంలోని గ్రామీణ ప్రాంతాలలో ఎక్కడికైనా ప్రయాణాలు చేసేటప్పుడు తప్ప, మామూలుగా చెప్పుల వాడకం చాలా తక్కువ. దీని కారణంగా పాదాల కాలిగోళ్లు, కాలివేళ్ల మధ్య, పగుళ్ల మధ్య మురికి, బాక్టీరియావంటివి చేరి శుభ్రత లేని కారణంగా ఒక్కోసారి శాశ్వతంగా అక్కడే వుండిపోతాయి. దీని కారణంగా రకరకాల ఇన్ఫెక్షన్లు కూడా వస్తాయి. ఆ సమయానికి నొప్పి, జ్వరం, మంట అనిపించకపోవచ్చు. కాని కాళ్లు, చేతుల అశుభ్రత మధుమేహానికి ప్రధాన కారణం.

డయాబెటీస్ రోగులు పరిశుభ్రతకు గాను ఒక టబ్‌లో కొద్దిగా యాంటిసెప్టిక్ లోషన్ కలిపిన నీటిలో ఉదయం, సాయంత్రం పాదాలు పది, పదిహేను నిమిషాలు ఉంచి, శుభ్రపరిచి, ఆ తర్వాత తేమ లేకుండా తుడుచుకోవాలి. కాటన్ సాక్స్ వాడుతూ, చెమట పట్టకుండా చూసుకుంటే ఇన్ఫెక్షన్లు రాకుండా ఉంటాయి. అలాగే ముక్కు, చెవులు, గొంతుకు సంబంధించిన ఇన్ఫెక్షన్లు వచ్చినప్పుడు తగిన యాంటీబయాటిక్స్ వాడాలి. కొందరికి తలపై మాడు నుంచి చుండ్రు రాలుతుంటుంది. ఇది కూడా అనారోగ్యం కలిగిస్తుంది. దీనికీ తగిన మందులు వాడాలి.

డయాబెటీస్ వ్యాధి రావటానికి మానసిక ఒత్తిడి ప్రధాన కారణంగా చెపుతారు. మానసిక ఒత్తిడి తగ్గడానికి హార్ట్‌రేట్‌ను పెంచే ఫోన్, టీవీ.. వంటివి అతిగా వాడకూడదు. లేట్‌గా నిద్రపోవడాలు, లేట్‌గా లేవడాలు చేయకూడదు. ప్రతిరోజూ నిద్రకు ఒకే సమయం పాటించినవారిలో మధుమేహం నియంత్రణలో ఉంటుంది.వేళకు ఆరోగ్యకరమైన ఆహారం తీసుకోవడం, రెగ్యులర్‌గా డాక్టర్‌చే పరీక్షలు చేయిస్తూ, వారి సూచనలు పాటిస్తుంటే మధుమేహాన్ని పూర్తిగా అదుపులో ఉంచుకోవచ్చు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.