ఎసిడిటీ నివారణకు సులభ మార్గాలు!

By B N Sharma

Published: Wednesday, December 21, 2011, 11:57 [IST]

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.

సాధారణంగా మనలో ప్రతి ఒక్కరూ ఏదో ఒక సమయంలో ఎసిడిటీ బాధకు గురవుతూనే వుంటారు. ఎసిడిటీ ఏర్పడితే ఎంతో చికాకుగా వుంటుంది. పైనుండి తేపులు, కిందనుండి గ్యాస్, పొట్ట బిగతీయడం వంటివి సాధారణంగా ఏర్పడతాయి.

ఎసిడిటీ నివారణకు కొన్ని చిట్కాలు చూడండి.
- కూల్ డ్రింకులు, కాఫీలు తాగడం మానేయండి. హెర్బల్ టీ తాగండి.
- ప్రతి రోజూ ఒక గ్లాసు వేడి నీరు తాగండి.
- రోజువారీ ఆహారంలో, అరటిపండు, వాటర్ మెలన్, దోసకాయ వంటివి చేర్చండి. పుచ్చకాయ రసం తాగితే మంచిది.
- సమస్య అధికంగా వుంటే, కొబ్బరి నీరు త్వరగా పనిచేస్తుంది.
- ప్రతిరోజూ ఒక గ్లాసెడు పాలు తాగండి
- మీ నిద్రకు రెండు లేదా మూడు గంటల ముందు భోజనం చేయండి.
- భోజనానికి భోజనానికి మధ్య ఎక్కువ గ్యాప్ ఇవ్వకండి. బదులుగా తక్కువైనా సరే ఎక్కువసార్లుగా తినండి.
- పచ్చళ్ళు, మసాలా చట్నీలు, వినేగర్ వంటివి మానటానికి ప్రయత్నించండి.
- భోజనం తర్వాత కొత్తిమీర వేసి ఉడికించిన నీటిని తాగండి.
- ఒక లవంగం నోటిలో వేసుకొని దాని రసం తాగండి.
- బెల్లం, నిమ్మ, అరటిపండు, బాదం పప్పులు, పెరుగు వంటివి ఎసిడిటీకి వెంటనే రిలీఫ్ ఇస్తాయి.
- ఆహారంలో అల్లం వాడితే ఫలితం బాగుంటుంది.
- నిమ్మరసం, కొద్దిపాటి పంచదార, నీరు కలిపి ఒక గ్లాసెడు మధ్యాహ్న భోజనానికి ముందు తాగితే ఎసిడిటీ తగ్గుతుంది.