వార్నింగ్: నిర్లక్ష్యం చేయకూడని డయాబెటిక్ లక్షణాలు

తరచుగా యూరినేషన్

టైప్ 1 లేదా టైప్ 2 డయాబెటిస్ కి ప్రాధమిక లక్షణం యూరినేషన్. తరచుగా యూరిన్ కి వెళ్లడం అది కూడా ఎక్కువ మొత్తంలో వెళ్లడం అనేది డయాబెటిస్ కి సంకేతంగా గుర్తించాలి. ముఖ్యంగా రాత్రిపూట ఎక్కువగా యూరిన్ కి వెళ్తున్నారంటే.. ఖచ్చితంగా డాక్టర్ ని సంప్రదించడం మంచిది.

దాహం

విపరీతమైన దాహం అనేది డయాబెటిస్ లక్షణాల్లో చాలా ముఖ్యమైనది. తరచుగా యూరినేషన్ కి వెళ్లడం వల్ల శరీరం డీహైడ్రేట్ కి లోనై ఎక్కువ దాహంగా అనిపిస్తూ ఉంటుంది. హైబ్లడ్ షుగర్ లెవెల్స్ ఉంటే దాహం ఎక్కువగా ఉండటానికి కారణమవుతుంది. ఇలాంటి ఫీలలింగ్ కనిపించిన వెంటనే డాక్టర్ ని సంప్రదించడం మంచిది.

ఆకలి

ఎక్కువగా ఆకలిగా ఉండటం, ఏదో తింటూ ఉంటే డయాబెటిస్ లక్షణాలని గుర్తించండి. సాధారణంగా కంటే.. ఎక్కువ ఆకలిగా ఉండటం, ఎక్కువగా తినడం జరుగుతుంటే.. డాక్టర్ ని సంప్రదించడం మంచిది.

గాయాలు

ఏ చిన్న గాయమైనా త్వరగా మానకపోతే.. డయాబెటిస్ డేంజర్ ని గుర్తించాలి.

గాయాలు తగిలిన ప్రాంతానికి బ్లడ్ ఫ్లో తగ్గి, ఆక్సిజన్ సరిగా అందక.. అది మానకుండా ఇబ్బంది పెడుతూ ఉంటుంది. ఇలాంటి సందర్భంలో కూడా ఒక్కసారి డయాబెటిస్ చెక్ చేయించుకోవడం మంచిది.

ఇన్ఫెక్షన్స్

హైబ్లడ్ షుగర్ కారణంగా.. ఎక్కువగా ఇన్ఫెక్షన్లకు గురవుతూ ఉంటారు. డయాబెటిక్ పేషంట్స్ కి ఎక్కువగా చర్మం, యూరినరీ ట్రాక్ ఇన్ఫెక్షన్స్ వస్తూ ఉంటాయి.

ఇలాంటి సమస్యలు తరచుగా కనిపిస్తూ ఉంటే.. డాక్టర్ ని సంప్రదించడం మంచిది.

బరువు తగ్గడం

ఒబేసిటీ డయాబెటిస్ కారణమవుతూనే.. ఎలాంటి ప్రయత్నం లేకుండా బరువు తగ్గినా.. డయాబెటిస్ రిస్క్ పొంచి ఉందని గుర్తించాలి. ఎక్కువ దాహం, ఎక్కువగా యూరిన్ కి వెళ్లడం కారణంగా.. బరువు ఈజీగా తగ్గిపోతారు. దీనివల్ల క్యాలరీలు శరీరానికి అందవు.

అలసట

అలసట డయాబెటిక్ కి ప్రాధమిక లక్షణం. హైబ్లడ్ గ్లూకోజ్ లెవెల్స్ కారణంగా శరీరం ఇన్సులిన్ పొందడానికి సరిగ్గా రెస్పాండ్ అవదు. దీని కారణంగా అలసట, వీక్ నెస్ వంటివి వేధిస్తాయి. అలాగే నిద్రలేమి సమస్య కూడా కనిపిస్తుంది.

జలదరించడం, తిమ్మిరి

చేతులు, వేళ్లు, కాళ్లు, పాదం ఎక్కువగా జలదరించడం, తిమ్మిరి పడుతూ ఉంటే.. డయాబెటిస్ కి వార్నింగ్ సిగ్నల్ అని గుర్తించండి. ఎక్కువగా పాదాలు, చేతులు, కాళ్లు నొప్పులుగా ఉంటే.. అలర్ట్ అవడం మంచిది.

చర్మం పొడిబారడం

డయాబెటిస్ కారణంగా బ్లడ్ సర్కులేషన్ తగ్గుతుంది. స్వెట్ గ్లాండ్స్ ఫంక్షన్స్ నిలిచిపోతాయి. దీని కారణంగా చర్మం పొడిబారి దురద పెడుతూ ఉంటుంది. ఎక్కువగా కాళ్ల కింది భాగంలో ఈ సమస్య ఉంటుంది. కాబట్టి ఇలాంటి లక్షణం కనిపించినా నిర్లక్ష్యం చేయకండి.

చూపు

ఆకస్మాత్తుగా మీ చూపులో తేడా కనిపించిందంటే జాగ్రత్త వహించాలి. బ్లర్ గా కనిపిస్తున్నా.. దేన్నీ ఫోకస్ చేయలేకపోతున్నా.. శరీరంలో హైబ్లడ్ గ్లూకోజ్ లెవెల్స్ కారణమని గుర్తించాలి. దీనికారణంగా శరీరంలో ఫ్లూయిడ్ లెవెల్స్ తగ్గిపోయి.. కంటిచూపు మందగిస్తుంది.

చూశారుగా ఇలాంటి లక్షణాలు కనిపించిన వెంటనే అలర్ట్ అవడం మంచిది. డయాబెటిస్ చెక్ చేసుకుని.. సరైన నియమాలు పాటించడం వల్ల ప్రమాదం నుంచి బయటపడచ్చు.