ఇర్రెగ్యులర్ పీరియడ్స్ సమస్య నివారించే సింపుల్ హోం రెమిడీస్

దాల్చిన చెక్క

దాల్చిన చెక్క శరీరంలో వేడిని పెంచుతుంది. ఇది రుతుక్రమం సజావుగా ఉండటానికి చాలా సహాయపడుతుంది. ఒక కప్పుడు దాల్చిన చెక్క పొడి తీసుకుని.. వేడినీళ్లు కలపాలి. బాగా మిక్స్ చేసి, 10 నిమిషాల తర్వాత అందులో ఒక టీ బ్యాగ్ వేయాలి. రెండు మూడు నిమిషాల తర్వాత ఒక టీ స్పూన్ పంచదార లేదా తేనె కలుపుకుని రోజూ తీసుకుంటే.. మీ పీరియడ్స్ రెగ్యులర్ గా ఉంటాయి.

బొప్పాయి

రుతుక్రమాన్ని రెగ్యులర్ చేయడంలో బొప్పాయి వండర్ ఫుల్ గా పనిచేస్తుంది. ఇందులో ఐరన్, కెరోటిన్, క్యాల్షియం, విటమిన్ ఏ, సి ఉంటాయి. గర్భాశయ గోడలకు చాలా మంచిది. మీకు పీరియడ్స్ రావాల్సిన కొన్ని రోజుల ముందు బొప్పాయి తీసుకుని చిన్న ముక్కలుగా కట్ చేయాలి. వాటిని ఒక గిన్నె వేసి.. ఒక స్పూన్ పెరుగు కలపాలి. దీన్ని అల్పాహారంగా, లేదా సాయంత్రం స్నాక్స్ రూపంలో రోజూ తీసుకోవాలి. ఈ ఎఫెక్టివ్ రెమిడీ మీకు పీరియడ్స్ రెగ్యులర్ గా రావడానికి సహాయపడుంది.

పసుపు

పసుపులో ఉండే యాంటీ ఇన్ల్ఫమేటరీ గుణాలు.. మెనుస్ట్రియల్ పెయిన్ తగ్గించి.. సమయానికి రుతుక్రమం వచ్చేలా తోడ్పడుతుంది. పావు టీ స్పూన్ పసుపు తీసుకుని కప్పులో వేయాలి. అందులో కొద్దిగా బెల్లం, టీ స్పూన్ తేనె, గోరువెచ్చిన పాలు కలపాలి. వీటన్నింటినీ బాగా మిక్స్ చేసి రోజూ తాగడం వల్ల ఇర్రెగ్యులర్ పీరియడ్ సమస్య నివారించవచ్చు.

అల్లం

మీకు పీరియడ్స్ చాలా లేటుగా రావడం, రక్తస్రావం తక్కువగా అవడం వంటి సమస్యలు ఉంటే.. అల్లం చక్కటి పరిష్కారం. అల్లం తురుములో కొంచెం నీళ్లు కలిపి స్టవ్ మీద పెట్టాలి. టీ స్పూన్ పంచదార వేసి బాగా మిక్స్ చేసి 5 నిమిషాల తర్వాత స్టవ్ ఆఫ్ చేయాలి. చల్లారిన తర్వాత తీసుకోవాలి. ఇలా రోజూ చేస్తూ ఉంటే.. మీ సమస్య తగ్గిపోతుంది.

సోంఫ్

సోంఫ్ గింజల్లో మెడికల్ గుణాలు ఉన్నాయి. ఇవి ఎలాంటి రుతుక్రమ సమస్యనైనా తగ్గిస్తాయి. ఒక గ్లాసు నీటిలో 2 టీ స్పూన్ల సోంఫ్ గింజలు కలపాలి. రాత్రంతా నాననివ్వాలి. ఉదయాన్నే ఆ నీటిని వడకట్టి.. తాగాలి. రోజూ ఇలా చేస్తూ ఉంటే.. సమస్య తగ్గిపోతుంది.

కాకరకాయ

చేదుగా ఉండే కాకరకాయ అంటే ఎవరూ ఇష్టపడరు. కానీ.. ఇందులో యాంటీ వైరల్, యాంటీ ఇన్ల్ఫమేటరీ, యాంటీ బ్యాక్టీరియల్ గుణాలుంటాయి. కాబట్టి కాకరయను ముక్కలుగా కట్ చేసి.. మిక్సీలో జ్యూస్ చేయాలి. ఒక టీ స్పూన్ పంచదార కలిపి వెంటనే తాగాలి. రెగ్యులర్ గా ఈ టిప్ ఫాలో అయితే.. మంచి ఫలితం ఉంటుంది.

నువ్వులు

నువ్వులు శరీరంలో ఉష్ణోగ్రతను పెంచుతాయి. ఇవి రుతుక్రమ సమస్యలను నివారిస్తాయి. ముందుగా నువ్వులను పౌడర్ చేయాలి. ఒక టేబుల్ స్పూన్ తేనెను ఈ నువ్వుల పొడికి చేర్చాలి. రెండింటిని బాగా మిక్స్ చేసి.. రోజూ తీసుకోవాలి.

చూశారుగా.. ఇంట్లో అందుబాటులో ఉండే.. ఈ సింపుల్ టిప్స్ ఫాలో అయితే.. మీకున్న రుతుక్రమ సమస్యలు నివారించవచ్చు. అలాగే ఇర్రెగ్యులర్ పీరియడ్స్ నుంచి బయటపడవచ్చు.