కుటుంబ సభ్యులలో గుండె జబ్బు వుంటే?

Heart

oi-Nageswara

By B N Sharma

Published: Wednesday, February 15, 2012, 12:46 [IST]

కుటుంబ సభ్యులలో వేరెవరికైనా గుండె జబ్బుల చరిత్ర వుంటే అది మీకు కూడా సంభవించే అవకాశం వుంది. ప్రత్యేకించి తల్లితండ్రులలో ఏ ఒక్కరికి గుండెజబ్బు వున్నా లేక సోదరుడు లేదా సోదరి వారి 60 సంవత్సరాల వయసులోపు ఈ వ్యాధి బారిన పడినా అది మీకు కూడా సంక్రమించే అవకాశాలున్నాయి. అందుకుగాను కొన్ని ముందు జాగ్రత్తలు ఆరోగ్యపరంగా తీసుకోవాలి.

అటువంటపుడు మీరేం చేయాలి? పొగతాగే అలవాటు వున్న వారు దానిని వెంటనే మానేయాలి. రక్తపోటు అధికం కాకుండా చూసుకోవాలి. మీ శారీరక శ్రమను అధికం చేయండి. ప్రతిరోజూ నడక లేదా ఇతర వ్యాయామాలు చేయాలి. ఆహారంలో తగు జాగ్రత్తలు తీసుకోవాలి. తక్కువ కొవ్వు, ప్రత్యేకించి శాట్యురేటెడ్ కొవ్వులు తక్కువగా వున్న ఆహారాలను, తాజాపండ్లు, కూరగాయలు అధికంగా తిని ఆరోగ్యాన్ని సంరక్షించుకోవాలి.

ఆరోగ్యకర జీవన విధానాలను ఆచరించటానికై విషయ నిపుణుల సలహాలను పాటించాలి. ఎప్పటికపుడు వైద్యుని వద్దకు వెళ్లి రక్తపోటు, రక్తంలోని కొలెస్టరాల్ వంటివి పరీక్షించి తగిన మందులు వాడాలి. ఇసిజి, ట్రెడ్ మిల్ టెస్ట్ వంటి పరీక్షలు చేయించి వైద్యుల సలహాలను పొందాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.