అధిక రక్తపోటు - గుండెకు చేటు!

By Staff
Subscribe to Boldsky
High Blood Pressure...Harmful to Heart
చాలామందిలో అధిక రక్తపోటు అంటే బ్లడ్ ప్రెజర్ ఉంటుంది. కానీ దిని వలన కూడా గుండెకు ప్రమాదం సంభవిస్తుంది.

బ్లడ్ ప్రెజర్ - సాధారణంగా మన శరీరంలోని రక్తం ధమనుల్లో ప్రవహిస్తూ ఉంటుంది. ధమనులలో ప్రవహించే ఈ రక్తం, ధమనుల లోపలి గోడల మీద కలిగించే ఒత్తిడినే బ్లడ్ ప్రెజర్ లేదా రక్తపోటు అంటారు. సాధారణంగా గుండె వ్యక్తులను బట్టి, వ్యక్తి యొక్క పరిస్ధితులను బట్టి నిమిషానికి 60 నుండి 90 సార్లు కొట్టుకొంటుంది. ఈ విధంగా గుండె కొట్టుకొన్నప్పుడు ఒక్క హృదయ స్పందనకు దాదాపు 70 సి.సి. రక్తం ప్రవహిస్తుంది. ఈ విధంగా రక్తం గుండె నుంచి శరీరంలోని మిగతా అవయవాలకు రక్తనాళాల ద్వారా ప్రవహిస్తుంది.

ఈ విధంగా గుండె నుండి రక్తం శరీరంలోని ఇతర భాగాలకు సరఫరా చేయడానికి కొంత ఒత్తిడి కావలసి ఉంటుంది. దీనినే బ్లడ్ ప్రెజర్ అంటారు. అయితే ఈ బ్లడ్ ప్రెజర్ అనేది ఒకే విధంగా ఎప్పుడూ ఉండదు. గుండె సంకోచించినపుడు గుండె నుండి రక్తం ధమనుల్లోకి ప్రవహించినపుడు రక్తపోటు కొంచెం ఎక్కువగా ఉంటుంది. దీనినే సిస్టోలిక్ ప్రెషర్ అంటారు. అయితే గుండె వ్యాకోచించినప్పుడు ఈ రక్తపోటు తక్కువగా ఉంటుంది. దీనిని డయాస్టాలిక్ ప్రెజర్ అంటారు.

సాధారణంగా డాక్టర్లు బి.పి. అంటే బ్లడ్ ప్రెజర్ ను స్పిగ్మోమేనోమీటర్ తో కొలుస్తారు. రక్తపోటును పరీక్షించడానికి ఇది అత్యుత్తమ సాధనం. సాధారణంగా ఒక వ్యక్తిలో రక్తపోటు 120 /80 వుంటుంది. దీనిని డాక్టర్లు 120 /80 మెర్క్యురీ మిల్లీ మీటర్లు అని వ్రాస్తారు. ఈ 120 /80లో పై అంకె 120 సిస్టోలిక్ ప్రెషర్ ను క్రింది అంకె 80 డయాస్టాలిక్ ప్రెషర్ ను సూచిస్తుంది. అయితే రక్తపోటు 140/90 కంటే ఎక్కువగా ఉండే అధిక రక్తపోటుగా, వృధ్ధులలో 160/90 దాటితో అధిక రక్తపోటుగా భావించవచ్చు. అయితే, ఈ రక్తపోటు చిన్న పిల్లలలో తక్కువగా ఉంటుంది. పెద్దలలో సైతం పరిస్ధితులను బట్టి మారుతుంది. నిద్రించే సమయంలో తక్కువగా ఆవేశం, భయాందోళనలలో ఉన్నపుడు శ్రమ అధికంగా పడుతున్నపుడు ఎక్కువగా ఉంటుంది.

ఈ రక్తపోటు సాధారణంగా ఉంటే రక్తనాళాలలో రక్తం సాధారణంగా ప్రవహిస్తుంది. అయితే ఇది ఎక్కువ కావడం లేదా తక్కువ అవడం జరిగితే రక్త ప్రవాహంలో మార్పులు వస్తాయి. దీంతో శరీరంలో సమస్యలు ఏర్పడతాయి. అధిక రక్తపోటు లక్షణాలు పరిశీలిస్తే, తలనొప్పి రావడం, ఛాతీ బరువెక్కినట్లు అనిపించడం, మూత్రం తరచుగా అవుతుండటం, తరచూ తలతిప్పడం, మానసిక ఆందోళన చెందడం, ఆయాసం, ఒళ్ళు తూలడం అధికంగా ఉండటంగా వుంటాయి.

For Quick Alerts
ALLOW NOTIFICATIONS
For Daily Alerts

    English summary

    High Blood Pressure...Harmful to Heart! | ఒక్క హృదయ స్పందనకు.....

    Blood Pressure when it is normal, it flows in the blood vessels in a normal way. If it increases or decreases, blood flow gets changed. With the result, certain problems crop up. If you observe some symptoms of blood pressure, head ache, heaviness in the chest, frequent passing of urine, dizziness, breathlessness, etc. happen.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more