గుండెపోటు వచ్చిన వెంటనే ....?

Heart

oi-Nageswara

By B N Sharma

Published: Monday, June 4, 2012, 14:45 [IST]

గుండెపోటు అతి ప్రమాదకరమైనది. అకస్మాత్ గా వచ్చేస్తుంది. గుండెపోటు వచ్చిన వెంటనే వీలైనంత త్వరగా వైద్యులను సంప్రదించాలి. అవసరం అనుకుంటే హాస్పిటల్ లో చేరిపోవాలి. అక్కడ వైద్యులకు అవసరమైన అన్ని సౌకర్యాలు రోగికి చికిత్స చేసేందుకు లభ్యంగా వుంటాయి. గుండె జబ్బులు కల వ్యక్తులు వీలైనంత వరకు ఒంటరిగా వుండటం లేదా సంచరించటం చేయరాదు. ఎల్లపుడూ వారితో సమీప బంధువులు లేదా ఇతర కుటుంబ సభ్యులు వుండాలి. గతంలో వైద్యులు సూచించిన మందులు సైతం వారు అందుబాటులో వుంచుకోవాలి. గుండె పోటు వచ్చిన వెంటనే అది మరణానికి సంకేతంగా భావించాలి. ఈ పరిస్ధితిలో సమయం చాలా విలువైనదిగా గ్రహించాలి. ఆస్పత్రులలో సైతం ఎమర్జెన్సీ డిపార్టుమెంట్లు గుండె జబ్బులవారికి ప్రత్యేకంగా వుంటాయి. సాధారణంగా రోగి ఆస్పత్రికి అంబులెన్సు ద్వారా చేరతాడు. అంబులెన్సు అనేది గుండె రోగికి సౌకర్యవంతమైన వాహనం. సుమారు మూడు వంతులమంది ఈ అంబులెన్సునే ఉపయోగించుకుంటారు. మరి కొంతమంది గుండె జబ్బు అంటూ డాక్టర్లను పిలిపించుకునే వారు కూడా లేకపోలేదు.

రోగి అంబులెన్సులో ఆస్పత్రి ఎమర్జెన్సీ విభాగానికి చేరగానే, అక్కడే వున్న నర్సు, డ్యూటీ డాక్టర్ మొదలైనవారు తక్షణమే హాజరవుతారు. వెంటనే వారు రోగిని ఇ.సి.జి లేదా ఎలక్ట్రో కార్డియోగ్రామ్ పై తక్షణమే పరిశీలిస్తారు. గుండెపోటు వచ్చిందని నిర్ధారించేందుకు ఇది ఒక మంచి పరీక్ష. కార్డియోగ్రాంలో కనుక గుండెపోటు వచ్చిందని నిర్ధారిస్తే, ఏం చేయాలి?

గుండె పోటులో రెండు రకాల గుండెపోట్లు వుంటాయి. ఎలక్ట్రోకార్డియోగ్రామ్ అనబడే గ్రాఫ్ లో కొంత భాగం పైకి పోయి వుంటుంది. లేదా పూర్తిగా కిందకు వాలి అయినా వుంటుంది. అపుడు గుండెపోటు వచ్చిందని వారు గుర్తిస్తారు. గ్రాఫ్ కనుక పైకి పోతే, రక్తనాలం పూర్తిగా మూసుకుపోయిందని గుర్తిస్తారు. గుండెకు సాధారణంగా మూడు రక్తనాళాలుంటాయి. ఏదో ఒక దానిని తెరిచేందుకు వెంటనే వైద్యులు ప్రయత్నిస్తారు.

ఈ రక్త నాళాలు తెరవటానికి రెండు విధాలు వుంటాయి. ఒకటి మందుల ద్వారా తెరువచ్చు. అది రక్తనాళంలోని గడ్డను ఒక్కపెట్టున కరిగించేస్తుంది. రెండవ పద్ధతిగా ఆస్పత్రిలో కనుక కేధరైజేషన్ చేయదగిన అవకాశం వుంటే, దానిని చేస్తారు. ఈ పరీక్షలో కేధటర్ తో మూసుకుపోయిన రక్తనాళాన్ని తెరుస్తారు. రక్తనాళంలోని మెత్తటి అడ్డును లేదా బ్లాకేజీని ముక్కలు చేస్తారు. అది పగిలి రక్తప్రవాహంలో కలుస్తుంది. గుండె పోటు రోగులకు పోటు వచ్చిన వెంటనే సమయం చాలా విలువైనది. అన్ని సౌకర్యాలు వున్న సమీప ఆప్సత్రి లేదా హెల్త్ కేర్ సెంటర్ వంటివి వారికి ఎంతో మేలు చేస్తాయి. ఆస్పత్రిఎమర్జెన్సీ విభాగాలలో సైతం వీరికి తక్షణ చికిత్స జరిగేలా చూడాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.