Latest Updates
-
చలికాలంలో హార్ట్ ఎటాక్ ముప్పు? తప్పక తెలుసుకోవాల్సిన నిజాలు! -
కేరళ స్పెషల్ మలబార్ చికెన్ బిర్యానీ.. బ్యాచిలర్లు కూడా చిటికెలో చేసేయొచ్చు! -
చలికాలంలో రోగనిరోధక శక్తిని పెంచి, చర్మానికి మెరుపునిచ్చే తులసి తమలపాకు రసం..ఎలా చేసుకోవాలంటే.. -
మెగ్నీషియం లోపం వేధిస్తోందా? కండరాల నొప్పులు, అలసట తగ్గించే 5 ఫుడ్స్ ఇవే! -
కార్తీకమాసం స్పెషల్.. ఘుమఘుమలాడే అసలైన బ్రాహ్మిణ్ స్టైల్ సాంబార్ మీ ఇంట్లోనే చేసుకోండిలా.. -
చలికాలంలో ఆరోగ్యానికి మేలు చేసే..విటమిన్ C, ప్రోటీన్లు మెండుగా ఉండే ఉసిరి కరివేపాకు పొడి ఎలా చేసుకోవాలంటే.. -
ప్రపంచంలోనే అత్యంత ఖరీదైన ఉప్పు ఇదే.. ధర ఎంతో తెలుసా..? -
గంటల సమయం పట్టకుండా.. కేవలం 20 నిమిషాల్లోనే రుచికరమైన నిమ్మకాయ పచ్చడి చేసుకోండిలా! -
రైలులో థర్డ్ ఏసీ ప్రయాణంపై కొడుకు ఫిర్యాదు.. జనరల్ కంపార్ట్మెంట్ కి తీసుకెళ్లిన తండ్రి.. వీడియో వైరల్ -
మేఘన చికెన్ బిర్యానీ.. అస్సలు మిస్ అవ్వకండి!
ఎవ్వరినీ వదలని విటమిన్ B12, విటమిన్ D,ఐరన్ లోపాలు..రోజూ ఏం చేయాలంటే..
ఉదయం లేవగానే నీరసం.. పగలంతా ఏదో తెలియని అలసట.. సీజన్తో సంబంధం లేకుండా రాలిపోతున్న జుట్టు.. ఎంత నిద్రపోయినా సరే తగ్గని బద్ధకం. ఇవన్నీ కేవలం ఒత్తిడి వల్లనో, బిజీ లైఫ్ స్టైల్ వల్లనో జరుగుతున్నాయని మనం తేలికగా తీసిపారేస్తుంటాం. కానీ నిజానికి మన శరీరం నిశ్శబ్దంగా కొన్ని అత్యంత ముఖ్యమైన పోషకాల కోసం అల్లాడిపోతుండవచ్చు. అవే విటమిన్ B12, విటమిన్ D, ఐరన్.
గతంలో కంటే ఇప్పుడు పల్లెలు, పట్టణాలు అనే తేడా లేకుండా చాలా మందిలో ఈ పోషకాల లోపం స్పష్టంగా కనిపిస్తోంది. ఇది ఏదో ఒక్క వయసు వారికో లేదా వర్గానికో పరిమితం కాలేదు. తాము చాలా ఆరోగ్యకరమైన ఆహారం తీసుకుంటున్నామని నమ్మే వారు కూడా దీని బారిన పడుతున్నారు. అసలు ఎందుకిలా జరుగుతోంది? ఈ సమస్యను రోజూవారీ పనులతో ఎలా అధిగమించవచ్చో ఇక్కడ చూడండి.

ఆధునిక జీవనశైలే అసలు విలన్
ఉదయం హడావుడిగా బ్రేక్ ఫాస్ట్ స్కిప్ చేయడం, మధ్యాహ్నం ఫాస్ట్ ఫుడ్ ఆర్డర్ పెట్టుకోవడం, రాత్రి ఎప్పుడో ఆలస్యంగా తినడం, శారీరక శ్రమ లేకపోవడం, ఎండ తగలని ఏసీ గదుల్లో స్క్రీన్ల ముందు గంటల తరబడి కూర్చోవడం వల్లే అన్ని వయసుల వారిలో విటమిన్ బి12, విటమిన్ డి, ఐరన్ లోపాలు ప్రమాదకర స్థాయిలో పెరిగిపోతున్నాయి అని డాక్టర్లు చెబుతున్నారు.
ఈ పోషకాలు చేసే మేలు ఏంటి?
విటమిన్ బి12 నరాల ఆరోగ్యానికి, మెదడు పనితీరుకు కీలకం. విటమిన్ డి క్యాల్షియంను గ్రహించి ఎముకలను దృఢంగా ఉంచుతుంది. ఐరన్ రక్తంలో ఆక్సిజన్ సరఫరాకు సహాయపడుతుంది. వీటి లోపం వల్ల విపరీతమైన అలసట, ఏకాగ్రత లోపించడం, తరచుగా ఇన్ఫెక్షన్ల బారిన పడటం వంటి సమస్యలు వస్తాయని డాక్టర్లు చెబుతున్నారు.
ఇంటి భోజనం తిన్నా లోపం ఎందుకు వస్తోంది?
రోజువారీ ఇంట్లో వండిన ఆహారం తీసుకుంటున్నాం కదా మనకేం ఢోకా లేదు అనుకుంటే పొరపాటే. ముఖ్యంగా శాఖాహారుల్లో విటమిన్ బి12 లోపం ఎక్కువగా ఉంటుంది. ఎండలో తిరగకపోవడం వల్ల భారతదేశం లాంటి ఉష్ణమండల దేశంలో కూడా విటమిన్ డి లోపం సర్వసాధారణం అయిపోయింది.
ఇక మహిళల్లో రక్తహీనత (ఎనీమియా) ఒక పెద్ద సవాలుగా మారింది. ఆహారంలో సరైన కాంబినేషన్ లేకపోవడం వల్ల మనం తినే ఆహారంలోని ఐరన్ శరీరానికి వంటపట్టదు.
అద్భుతాలు చేసే చిన్న అలవాట్లు
-ఆకుకూరలు, పండ్లు, పాలు, గుడ్లు, పప్పులు, నట్స్ రోజూవారీ డైట్ లో కచ్చితంగా ఉండాలి.
-ప్రతిరోజూ కనీసం 15-20 నిమిషాలు ఉదయం ఎండలో గడపాలి. ఇది విటమిన్ డి ని అమాంతం పెంచుతుంది.
-సరైన సమయానికి భోజనం చేయాలి. ప్రతి పూట ప్రోటీన్ ఉండేలా చూసుకోవాలి.
-ఐరన్ ఉన్న ఆహారాలు.. ఆకుకూరలు వంటివి తీసుకున్నప్పుడు, దానికి నిమ్మకాయ లాంటి విటమిన్ సి జతచేస్తే శరీరం దాన్ని సులభంగా గ్రహిస్తుంది.
Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.



Click it and Unblock the Notifications
