దసరా వేళ ఫుల్ గా తినేసినా నో ప్రాబ్లమ్.. ఈ చిట్కా పాటిస్తే గ్యాస్,ఎసిడిటీ, గుండెల్లో మంట అన్నీ ఫసక్

పండగొస్తే చాలు మనసులో ఆనందం వెల్లివిరుస్తుంది. ముఖ్యంగా మొత్తంగా 10 రోజుల పాటు జరిగే దసరా ఉత్సవాలు లాంటి వేడుకల్లో ఆ సందడే వేరు. రాత్రంతా జాగరణలు, పందిళ్ల సందడి, స్నేహితులతో కబుర్లు, నోరూరించే రకరకాల వంటకాలు..ఇలా ప్రతి క్షణం ఒక ఉత్సవమే. అయితే, ఈ సంబరాల మధ్యలో మన ఆరోగ్యం, ముఖ్యంగా జీర్ణవ్యవస్థ గురించి పట్టించుకోవడం మరిచిపోతాం. ఒకవైపు, రాత్రంతా మేల్కొని భక్తితో భగవంతుని దర్శనం చేసుకోవడం, మరోవైపు వేళాపాలా లేకుండా బయట దొరికే నూనె వంటకాలను లాగించడం.. ఈ జీవనశైలి మార్పు మన కడుపుపై తీవ్ర ప్రభావాన్ని చూపుతుంది.

మనసు పండగ సంబరంలో మునిగితేలుతున్నా, శరీరం మాత్రం ఈ మార్పులను తట్టుకోలేక ఇబ్బంది పడుతుంది. ఫలితంగా గ్యాస్, కడుపు ఉబ్బరం, గుండెల్లో మంట, ఎసిడిటీ వంటి సమస్యలు చిన్నా పెద్దా అందరినీ వేధిస్తాయి. ఈ ఇబ్బందులతో పండగ ఆనందాన్ని ఎందుకు పాడుచేసుకోవాలి? మన వంటింట్లోనే లభించే కొన్ని సులభమైన చిట్కాలతో ఈ సమస్యలకు సులభంగా చెక్ పెట్టవచ్చు.

సోంపు
పూజల సమయంలో భోజనం చేసిన తర్వాత కొంచెం సోంపును నోట్లో వేసుకుని నమలడం అలవాటు చేసుకోండి. ఇది కేవలం మౌత్ ఫ్రెషనర్‌ గా మాత్రమే కాకుండా అద్భుతమైన ఔషధంగా కూడా పనిచేస్తుంది. సోంపులో ఉండే అనెథోల్ అనే సమ్మేళనం మన జీర్ణ ప్రక్రియను వేగవంతం చేస్తుంది. కడుపులో అధికంగా ఉత్పత్తి అయ్యే ఆమ్లాలను నియంత్రించి, జీర్ణవ్యవస్థను ఆరోగ్యంగా ఉంచుతుంది. కాబట్టి, కాస్త ఎక్కువగా తిన్నామనిపించినా, సోంపు ఆందోళనను దూరం చేస్తుంది.

అల్లం
ఈ పండగ రోజులూ మీ ఉదయాన్ని ఒక గ్లాసు అల్లం నీటితో ప్రారంభించండి. రాత్రిపూట కొన్ని అల్లం ముక్కలను నీటిలో నానబెట్టి ఉదయాన్నే ఆ నీటిని మరిగించి, గోరువెచ్చగా ఉన్నప్పుడు తాగండి. అల్లంలో ఉండే జింజెరాల్ అనే శక్తివంతమైన పదార్థం, కడుపులో ఆమ్లాల ఉత్పత్తిని తగ్గించి, గ్యాస్, గుండెల్లో మంట నుంచి తక్షణ ఉపశమనం కలిగిస్తుంది. ఈ చిన్న అలవాటుతో రోజంతా అజీర్తి భయం లేకుండా గడపవచ్చు.

వాము
పందిళ్లలో తిరుగుతూ ఇష్టమైన వంటకాలు కనిపించగానే ఎక్కువగా తినేశారా? ఆ తర్వాత కడుపులో ఇబ్బంది మొదలైందా? మీ జేబులో ఎప్పుడూ ఒక చిన్న పొట్లంలో కొద్దిగా పచ్చి వామును ఉంచుకోండి. వాములో ఉండే థైమోల్ అనే సమ్మేళనం జీర్ణ ఎంజైమ్‌ల ఉత్పత్తిని పెంచి, తిన్న ఆహారం తేలికగా జీర్ణం కావడానికి సహాయపడుతుంది. ఇది శరీరంలోని హైడ్రోక్లోరిక్ ఆమ్లాన్ని సమతుల్యం చేసి, ఆమ్లత్వం మిమ్మల్ని చేరకుండా కాపాడుతుంది.

అరటిపండు
ప్రతిరోజూ ఉదయం అల్పాహారంలో ఒక అరటిపండును చేర్చుకోండి. అరటిపండు ఒక సహజ యాంటాసిడ్‌లా పనిచేస్తుంది. ఇది కడుపులోని అదనపు ఆమ్లాలను తటస్థీకరించి, యాసిడ్ రిఫ్లక్స్ వల్ల కలిగే అసౌకర్యాన్ని, మంటను తగ్గిస్తుంది. ఈ చిన్న చిన్న చిట్కాలతో ఇక ఎలాంటి చింతా లేకుండా, పూజల వేళ మనసారా ఆరగించండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.