Washing hands: పదే పదే చేతులు కడుక్కుంటున్నారా?..ఖచ్చితంగా ఈ విషయం తెలుసుకోవాల్సిందే

కరోనా తర్వాత నుంచి మనుషుల అలవాట్లలో అనేక రకాల మార్పులు వచ్చాయి. కరోనా తర్వాత నుంచి ప్రజల్లో ఆరోగ్యంపై మరింత అప్రమత్తత పెరిగింది. కరోనా సమయంలో తరచుగా చేతులు కడుక్కునే ధోరణి మనలో బాగానే ఉండేది. చాలా మంది తినడానికి ముందు చేతులు కడుక్కునే అలవాటు చిన్నతనం నుంచే ఉంటుంది. చేతులు కడుక్కోవడం వల్ల మన చేతుల్లో ఉండే బ్యాక్టీరియా తొలగిపోతుందని తల్లిదండ్రులు చిన్నతనం నుంచే పిల్లలకు నేర్పిస్తుంటారు. కానీ తరచుగా చేతులు కడుక్కోవడం వల్ల రకరకాల చర్మ సమస్యలు వస్తాయని మీకు తెలుసా?. ఈ అలవాటు మిమ్మల్ని నెమ్మదిగా అనారోగ్యానికి గురి చేస్తుందట.

మన నిత్య జీవితంలో అనేక చెడు అలవాట్లు ఉంటాయని డాక్టర్లు చెబుతున్నారు. వీటిలో పదే పదే చేతులు కడుక్కోవడం ఒకటని తెలిపారు. భోజనం చేసే ముందు చేతులు కడుక్కోవడం చిన్నప్పటి నుంచే నేర్పుతారు. అయితే చాలా మంది పదే పదే చేతులు కడుక్కుని ప్రమాదానికి గురవుతున్నారు. పదే పదే చేతులు కడుక్కోవడం వల్ల జరిగే నష్టాల గురించి ఇక్కడ చూడండి.

తరచుగా చేతులు కడుక్కుంటే వచ్చే సమస్యలివే

అలెర్జీ
కొందరికి చేతులు కడుక్కోవడానికి ఉపయోగించే సబ్బులు, క్లెన్సర్‌ ల కారణంగా అలెర్జీ వచ్చే అవకాశం ఉంది. ఇది చర్మంపై దద్దుర్లు,చికాకు కలిగించవచ్చు.
చేతులు పొడిబారడాన్ని పెంచుతుంది
పదే పదే చేతులు కడుక్కోవడం వల్ల చర్మం పొడిబారుతుంది. దీని ఫలితంగా చర్మం పగుళ్లు, పొడిబారడం వంటి సమస్యలు కనిపించవచ్చు. కాబట్టి సాధారణ నీటితో చేతులు కడుక్కోవడం అలవాటు చేసుకోండి. ఎందుకంటే హ్యాండ్ వాష్‌ లో చాలా రకాల కెమికల్స్ వాడతారు.. ఇది మీ చర్మానికి చాలా హాని చేస్తుంది.

చర్మం చికాకు
చేతులు కడుక్కోవడానికి ఉపయోగించే సబ్బులు, క్లెన్సర్‌ లు చర్మంపై మంట, చికాకు కలిగిస్తాయి. కాబట్టి మీరు మీ చేతులకు హాని కలిగించే క్లెన్సర్లను వాడకుండా ఉండాలి.
చర్మం తేమ లేకపోవడం
తరచుగా చేతులు కడుక్కోవడం వల్ల చర్మం డీహైడ్రేట్ అవుతుంది. ఫలితంగా చర్మం పొడిబారి దురదగా మారుతుంది. తరచుగా చేతులు కడుక్కోవడం వల్ల మీ చర్మం పొడిబారుతుంది.

చేతులు కడుక్కోవడానికి సబ్బు
చేతులు కడుక్కోవడానికి తేలికపాటి సబ్బును ఉపయోగించండి, తద్వారా చర్మం కాలిపోదు. చేతులు కడుక్కున్న తర్వాత చర్మానికి తేమను అందించే మాయిశ్చరైజర్‌ ను అప్లై చేయండి. చేతులు కడుక్కోవడం ఫ్రీక్వెన్సీని తగ్గించండి. అంటే రోజులో అనేకసార్లు చేతులు కడగడం మంచిది కాదు. చేతులు మురికిగా ఉన్నప్పుడు మాత్రమే హ్యాండ్ శానిటైజర్‌ని ఉపయోగించండి. చేతులు కడుక్కోవడానికి వేడి నీటిని ఉపయోగించవద్దు. ఎందుకంటే ఇది చర్మాన్ని కాల్చేస్తుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.