ఆరోగ్యకరమైన శ్వాస ఎలా తీయాలి?

Wellness

oi-Nageswara

By B N Sharma

Published: Monday, June 18, 2012, 12:46 [IST]

శ్వాసించటం ఒక సహజ ప్రక్రియ. అది మనం జీవించటం కొరకు. మరి శ్వాస ఎలా తీయాలి అనే ప్రశ్న మీకు నవ్వు పుట్టించేదిగా వుంటుంది. కాని మనలో నేటి రోజులలో చాలామంది అలసట, ఆందోళన, ఒత్తిడి వంటివాటికి గురై సరైన శ్వాసను గూడా మరచిపోతున్నారు. కావలసినంత గాఢంగా శ్వాసించటం లేదనిపిస్తోంది. శ్వాస గాఢంగా తీయాలనేది అందరికి తెలిసిందే, కాని బయటి కారణాలవలన మనం ఆ పని చేయలేకపోతున్నాము. మరి ఆరోగ్యకరమైన శ్వాస ఎలా తీయాలి అనేదానికి కొన్ని చిట్కాలు పరిశీలించండి.

శ్వాసించటం ఎలా? అనేది మనకు తెలుసా?
1. శ్వాస ప్రాధమికతలు - శ్వాసించటం మీకు ఎవరైనా నేర్పించారా? బహుశ ఎవరికి ఇది అవసరంలేదు. పుట్టినప్పటినుండి మానవుడు శ్వాసిస్తూనే వుంటాడు. మానవ ఏర్పాటు ప్రక్రియలో అది సహజమైన చర్య. కాని నేడు పెరిగిపోతున్న శ్వాస సంబంధిత సమస్యలు చూస్తే, శ్వాసించటం ఎలా? అనే ప్రాధమిక అంశాలు తెలుసుకోవడం సమంజసంగానే భావించవచ్చు.

2. శ్వాసించటానికి కూడా మనం బిజీయే - తరచుగా మనం గాలి పీల్చటానికి కూడా సమయం లేదంటాం. అది నిజమే. ఎపుడూ అంతర్గత ఆందోళన, సమయం ఇవ్వలేము. గాఢంగా శ్వాసించలేము. కాని ప్రతిసారి కనుక మనం దానిమీద ధ్యాసపెట్టి పూర్తిగా, గాఢంగా శ్వాస తీసుకోగలిగితే...ఎంతో శక్తి పొందుతాము.

3. గాఢ శ్వాస - చాలావరకు మనం మనకు తెలియకుండానే శ్వాస తీసుకుంటాం. అందుకే గాలి పీల్చగలిగినంతా పీల్చలేము. గాఢ శ్వాస తీసుకోవటం చాలా ప్రధానమైనది. ప్రతిరోజూ కనీసం దానిని గమనిస్తూ 30 నిమిషాలు కేటాయించండి. గాలి లోపలికి పీల్చటం, బయటకు వదలటం చేస్తూ లెక్కించండి.

4. శక్తి కొరకు శ్వాస తీయుట - గాఢ శ్వాసలో మీకు ఆక్సిజన్ గరిష్టంగా లోపలికి వెళుతుంది. శరీరంలో జీవక్రియ మెరుగవుతుంది. అది మంచి శక్తిని కలిగిస్తుంది. తీవ్ర అలసట వంటివి సరిగ్గా శ్వాస తీసుకుంటే మాయమైపోతాయని గ్రహించండి.

5. శ్వాస తీసుకోలేకపోతున్నారా? బిగువైన దుస్తులు ధరించారేమో చూడండి. వాటిని తీసివేసి వదులైనవి వేసుకొని సరిగ్గా శ్వాసించండి. శ్వాస హాయిగా తీయాలంటే, సౌకర్యమైన దుస్తులు కూడా వేయాలి.

6. ఏదో ఒక మాదిరిగా శ్వాస - ఆందోళన అనేది మీ గాఢ శ్వాసను అడ్డగిస్తుంది. భయం, ఆందోళన, ఒత్తిడి శ్వాసను మరచిపోయేలా చేస్తాయి. సరిగ్గా శ్వాసించటం ఎలా అనేది తెలుసుకోవాలంటే, ముందుగా రిలాక్స్ అవటం నేర్చుకోవాలి. పీల్చే ప్రతి శ్వాస గమనించండి. అపుడే మీరు గాఢ శ్వాసలు తీయగలరు.

గాలి ఎలా శ్వాసించాలి అనేది యోగాలో ఒక వ్యాయామం కాదు, వైద్యం అంతకంటే కాదు. సరిగా, మెరుగైన రీతిలో శ్వాసించటం మీ జీవితానికి ప్రాధమిక అవసరం. ఈ ఆరోగ్య చిట్కాలు పాటించి గాఢ శ్వాసలతో మంచి శక్తిని అనుభవించండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.