నిద్రలేమి సమస్యను నివారించడం ఎలా?

నిద్రించే ముందు గోరువెచ్చని పాలు త్రాగాలి:

మన పెద్దల కాలం నుండి మంచి నిద్ర పొందడానికి ఈ పద్దతిని ఉపయోగిస్తున్నారు. ఇది ప్రజాదరణ పొందింది. గోరువెచ్చని పాలలో అమినోయాసిడ్స్ కలిగి ఉండటం వల్ల నిద్రకలిగించే గుణాలు ఇందులో ఎక్కువగా ఉన్నాయి. కాబట్టి నిద్రించే ముందు ఒక గ్లాసు గోరువెచ్చని పాలను త్రాగడానికి ప్రాధాన్యత ఇవ్వండి. గాఢనిద్రను పొందండి.

ఆకలి లేకుండా చూసుకోండి

మీకు సరిగా నిద్రపట్టడం లేదంటే, అందుకు ఆకలి కూడా ఒక కారణం కావచ్చు. కాబట్టి, ఒక ఆరోగ్యకరమైన భోజనం ముగించిన తర్వాత కూడా మీకు ఆకలిగా అనిపిస్తుంటే, అటువంటి సమయంలో క్రాకర్స్ లేదా గోధుమలతో తయారు చేసి స్నాక్స్ ను తినవచ్చు.

హెర్బల్ టీ

టీ ఒక పానీయంగా మీరు మరింత చురుకుగా ఉండేట్లు పరిగణిస్తుంటారు, అయితే కొన్ని రకాల హెర్బల్ టీలు నిద్రపట్టేందుకు సహాయపడుతాయి. చమోమైల్, పాసినో ఫ్లవర్ లేదా లెమన్ బామ్ టీ వంటి హెర్బల్ టీలు నిద్రను ప్రోత్సహించే కొన్ని మూలికా మిశ్రమాలున్నాయి.

నడక:

ఒక సమయంలో మీ భోజనం తర్వాత , భౌతిక కార్యాచరణ రూపం దాల్చడం వల్ల మీరు బాగా నిద్ర పొందుటకు అవకాశం ఉంటుంది. భోజనం చేసిన తర్వాత మీ ఇంటి ఆవరణంలో లేదా మీ టెర్రాస్ మీద కొంత నడక సారించడం వల్ల గాఢంగా నిద్రపట్టడంలో మరియు మెరుగుపరచడంలో సహాయం చేస్తుంది.

కెఫిన్ తగ్గించాలి :

రోజులో(పగలు) మీరు పనిలో చురగ్గా ఉండటానికి కాఫీని రెండు మూడు సార్లు త్రాగుతూ ఉండవచ్చు. కానీ, ఒక ఉత్తమ సలహా ఏంటంటే సాయంత్ర సమయాల్లో కెఫిన్ ఉన్నటువంటి పానీయాలు కానీ లేదా కాఫీ, టీలు కానీ త్రాగడం మానుకోవాలి. కెఫిన్ వల్ల గాఢ నిద్రను పొందలేరు.

షెడ్యూల్

షెడ్యూలింగ్ అనేది మీకు చాలా ముఖ్యం. ఎందుకంటే ప్రతి రోజూ ఒకే సమయానికి పడుకోడం, నిద్రలేవడం అనేవి అలవాటు చేసుకోవాలి. నిద్రించే ముందు గేమ్స్ చూడటం మంచిదే అయినా, రాత్రుల్లో ఎక్కువ సమయం గేమ్స్ ఆడటం వల్ల గాఢనిద్రను పొందలేరు. మీ నిద్రలో నాణ్యత కోల్పోతుంది.

స్మోకింగ్ మానుకోవాలి:

చాలా మందిలో ధూమపానం కూడా నిద్రలేమి సమస్యకు ఒక ప్రధాన కారణం కావచ్చు. స్మోకింగ్ చేసేవారికి, సిగరెట్లలోని నికోటిన్ పదార్థం నిద్రలేమికి దారితీసేలా మెదడు మీద ప్రభావం చూపుతుంది. ధూమపానం ఆందోళన స్థాయిలను పెంచుతుంది. ఇది కూడా సరైన నిద్రలేకుండా చేస్తుంది.

విశ్రాంతి

నిద్రించడానికి ముందు, మీలోని ఆందోళనలన్నింటిని పక్కన పెట్టాలి. మనస్సులో ఆందోళనలు ఉన్నప్పుడు నిద్రలేమికి కారణం అవ్వడంతో పాటు, నిద్రల చెడు కలలు వచ్చే అవకాశం ఉంది. కాబట్టి అనవసరమైన విషయాలు ఆలోచించకుండా మంచి మనస్సుతో నిద్రించడానికి ప్రయత్నించాలి.

శ్వాస తీసుకోవడం

మీ శరీరం మరియు నరాల ఉధృతిని తగ్గించడానికి కొన్ని బ్రీత్ టేకింగ్ టెక్నిక్స్ తెలుసుకోవడం చాలా ముఖ్యం. సరైన శ్వాస ప్రక్రియలు మీ హార్ట్ రేట్ ను తగ్గించడానికి సహాయపడుతుంది మరియు బ్లడ్ ప్రెజర్ తగ్గించి నిద్రను ప్రేరేపించడానికి సహాయపడుతుంది.

డాక్టర్ ను సంప్రదించాలి :

నిద్రలేమి సమస్య మిమ్మల్ని అలాగే వెంటాడుతుంటే కనుక మీరు తప్పనిసరిగా డాక్టర్ ను సంప్రదించినట్లైతే మీకు బాగా నిద్రపట్టేందుకు సహాయపడే సప్లిమెంట్స్ మరియు ఇతర మందులను సూచించవచ్చు. నిద్ర లేమి సమస్యకు మరో చికిత్స లేదా ప్రత్యామ్నాయం థెరపీలు. స్లీప్ థెరపీలు వల్ల చాలా మంది నిద్రలేమి సమస్యను జయించగలిగారు.