ప్రపంచ హెపటైటిస్ దినోత్సవం 2024: వర్షాల సమయంలో హెపటైటిస్ వైరస్ లక్షణాలు, నివారణ

ప్రపంచ హెపటైటిస్ దినోత్సవాన్ని ప్రతి సంవత్సరం జూలై 28వ తేదీన అవగాహన కల్పించే లక్ష్యంతో జరుపుకుంటారు. ఈ రోజు ఈ వ్యాధిపై ప్రజలకు అవగాహన కల్పించవచ్చు. వర్షాకాలంలో హెపటైటిస్ ఎ మరియు ఇ కేసులు చాలా పెరుగుతాయని మీకు తెలియాలి. అందుకే వర్షాకాలంలో బయటి ఆహారం తీసుకోవద్దని వైద్యులు మనకు సూచిస్తున్నారు.

మీకు ఇష్టమైన పానీపూరీలు కూడా మిమ్మల్ని అనారోగ్యానికి గురి చేస్తుందని తెలిస్తే మీరు షాక్ అవుతారు. వర్షాకాలంలో హెపటైటిస్ వంటి ప్రమాదకరమైన వ్యాధులను నివారించడానికి గుర్తుంచుకోవలసిన ముఖ్యమైన విషయాలు ఏమిటో తెలుసుకుందాం. హెపటైటిస్ ఏ కేసులు, ఇ కేసులకు గల కారణాలు ఏమిటో తెలుసుకుందాం. వర్షాకాలంలో ఇలాంటి కేసులు ఎక్కువ కాకుండా మనమే జాగ్రతలు తీసుకోవాలి.

హెపటైటిస్- ఏ వైరస్‌కు ప్రధాన కారణం కలుషితమైన నీరు లేదా ఆహారం తినడం, అయితే హెపటైటిస్-ఇ వైరస్ మురికి చేతులతో ఆహారం తినడం వల్ల వ్యాపిస్తుంది. హెపటైటిస్ ఏ చాలా ప్రమాదకరమైనది, దీని బారిన పడిన వ్యక్తి మరొక వ్యక్తికి ఈ వ్యాధిని అంటివ్వగలడు. అందువల్ల వ్యాధి సోకిన రోగి యొక్క వస్తువులను తరచుగా శుభ్రపరచడం మరియు క్రిమిరహితం చేయడం అవసరం. అందువల్ల వర్షంలో ఆరుబయట తినడం నిషేధించాలి. ఎందుకంటే కలుషితమైన నీటితో తయారు చేసిన పానీపూరీలు, లేదా చాట్ తినడం వల్ల మీరు హెపటైటిస్ ఎ మరియు ఇ వైరస్‌లకు గురవుతారు.

హెపటైటిస్ ఏ, ఇ లక్షణాలు:

సాధారణంగా హెపటైటిస్ లక్షణాలు కనిపించడానికి రెండు నుండి నాలుగు వారాలు పడుతుంది. 6 సంవత్సరాల కంటే తక్కువ వయస్సు ఉన్న పిల్లలలో పై ఈ వ్యాధి ఎక్కువ ప్రభావం చూపిస్తుంది. పొత్తికడుపులో నొప్పి, ముదురు మూత్రం, కామెర్లు, బరువు తగ్గడం, జ్వరం, ఆకలి లేకపోవడం, చర్మంలో దురద ఉండటం, కీళ్ల నొప్పి, సకాలంలో చికిత్స పొందడం ద్వారా కామెర్లు, హెపటైటిస్ ఏ, ఇ పురోగతిని నిరోధించవచ్చు.

హెపటైటిస్‌ను నివారించే మార్గాలు:

వర్షాకాలంలో కలుషితమైన నీరు హెపటైటిస్ ఏ, ఇలకు ప్రధాన కారణం. అటువంటి పరిస్థితిలో, పరిశుభ్రతను జాగ్రత్తగా చూసుకోండి. స్వచ్ఛమైన నీటిని త్రాగండి. బయటకు వెళ్లేటప్పుడు, బ్రాండ్‌కు చెందిన వాటర్ బాటిల్ లో వెంట తీసుకెళ్లిన నీరు తాగండి. లేదంటే వేడి నీటిని మీతో తీసుకెళ్లండి. వర్షాలలో పచ్చి కూరగాయలు తినడం మానుకోండి. ఎందుకంటే అవి కలుషితమైన నీటిలో వండవచ్చు. ఇది కాకుండా సముద్రపు ఆహారం తినడం మానుకోండి. ఎందుకంటే సముద్ర జీవుల సంతానోత్పత్తి వర్షా కాలంలో ఉంటుంది.

కాబట్టి వాటిలో చాలా బ్యాక్టీరియా ఉంటుంది. వాటి వినియోగం హెపటైటిస్ ప్రమాదాన్ని పెంచుతుంది. అంతే కాకుండా ఉడకని మాంసం కూడా మీకు ఈ వ్యాధిని కలిగిస్తుంది. పరిశుభ్రతకు అత్యంత ప్రాధాన్యత ఇచ్చే ప్రదేశాలలో మాత్రమే ఆహారాన్ని తినండి. ఆహారం తీసుకునే ముందు చేతులు శుభ్రంగా కడుక్కోవడం మర్చిపోవద్దు. హెపటైటిస్ ఏని నిరోధించడానికి ఖచ్చితంగా టీకాలు వేయడం చాలా మంచిది. ఇది చాలా కాలం పాటు ప్రతి ప్రమాదం నుండి మిమ్మల్ని రక్షిస్తుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.