బాత్ రూమ్ గ్లామరస్ గా వుండాలంటే!

బాత్ రూమ్ మ్యాట్ - ఇది అత్యంత ప్రధానమైంది. జారిపోకూడదు. నీటిని పీల్చేయాలి. పాదాల శుభ్రతకు ఉపయోగపడుతుంది.
టవల్స్ - బాత్ రూమ్ లో ఎపుడూ ఒక శుభ్రమైన టవల్ వుండాలి. దీనిని టవల్ రాడ్ పై వుంచండి. తెల్లటి టవల్ కంటే కూడా రంగులవైతే బాగుంటాయి. రాడ్ పై వేసేటపుడు చక్కగా మడతపెట్టండి.
మిర్రర్ - బాత్ రూమ్ లో మిర్రర్ తప్పక వుండాలి. షేవింగ్, స్నానం, డ్రెస్సింగ్ మొదలైనవి చేయాలంటే మిర్రర్ అవసరం. మంచి డిజైన్ల తో కూడిన మిర్రర్లు నేడు మార్కెట్ లో వస్తున్నాయి. మిర్రర్ వాష్ బేసిన్ పైన లేదా షవర్ క్రింద పెడితే ఉపయోగంగా వుంటుంది.
మల్టీ పర్పస్ స్టాండ్ - టూత్ బ్రష్, రూమ్ ఫ్రెషనర్, టూత్ పేస్ట్, షేవింగ్ కిట్, బాడీ వాష్, సోప్ మొదలైనవి వుంచటానికి ఒక కార్నర్ లో ఏర్పాటు చేయాలి.
టెలిఫోన్ - ముఖ్యమైన కాల్స్ మిస్ కాకుండా బాత్ రూమ్ లో ఒక టెలిఫోన్ కనెక్షన్ వుంటే మంచిది. మంచి డిజైన్ కల ఒక వాటర్ ప్రూఫ్ హేంగింగ్ టెలిఫోన్ బాత్ రూమ్ గోడకు వేలాడదీస్తే ఉపయోగకరం. హేండ్ పీస్ కు పొడవైన వైర్ వుంటే మరింత సౌకర్యంగా వుంటుంది.