సెంటర్ టేబుల్ అలంకరణ!

డ్రాయింగ్ రూమ్ అలంకరణకు, సెంటర్ టేబుల్ అలంకరణ సరిపోలాలి. ఇంటిలో ఏవైనా ప్రత్యేక సందర్భాలు వస్తే తప్ప, ఈ సెంటర్ టేబుల్ కు కొద్దిపాటి అలంకరణ సరిపోతుంది. చూడంగానే ఆకర్షించటానికిగాను సెంటర్ టేబుల్ పై ఫ్లవర్ వేజ్, బోన్ సాయి మొక్కలు, పండ్లు, కూరలు, కేండిల్స్, క్రిస్టల్స్ వంటివి వుంచండి. లేదా ఒక వెడల్పు గిన్నెలో నీరుపోసి, గులాబి, చామంతి వంటి పూలు లేదా రేకులు వేసి పెడితే బాగుంటుంది. సెంటర్ టేబుల్ పై పెట్టే ఈ వస్తువు టేబుల్ సైజుకు తగ్గట్టు వుండాలి. మంచి సువాసన వచ్చే కేండిల్స్ కొన్నిటిని రంగు రిబ్బను కట్టి దానిపై వుంచండి. రాత్రి వేళ వాటిని వెలిగించండి. కేండిల్ స్టాండ్ లేదా మరేదైనా షోపీస్ వంటివి కూడా వుంచవచ్చు.

ఇంటికి వచ్చినవారి ఉపయోగం కొరకు సెంటర్ టేబుల్ గ్లాస్ కింద భాగంలో కొన్ని పుస్తకాలు, మేగజైన్లు వంటివి పెట్టండి. బ్రాంజ్ షో పీసులు సెంటర్ టేబుల్ పై పెడితే, క్లాసిక్ గానే కాదు, స్టైలిష్ గా కూడా వుంటుంది. సెంటర్ టేబుల్ పై చాలా వస్తువులు పెట్టకండి. ఖాళీ జాగా వుంటే...అప్పటికపుడు పెట్టి తీసే వస్తువేదైనా పెట్టుకోవచ్చు.