మీ ఇంటిని అలంకరణలో దాగుంది అసలైన ఆనందం..

Decor

oi-Saraswathi

By Sindhu

Published: Friday, February 17, 2012, 12:36 [IST]

ప్రతి మహిళ ఇంటిని అందంగా తీర్చిదిద్దడంలో మహిళలు నిరంతరం శ్రమిస్తుంటారు. స్త్రీ తమను ఎంతగా అలంకరించుకుంటే అందంగా కనిపిస్తారో..ఇంటిని కూడా అంతే అందంగా అలంకరిస్తే ఇంటి అందం కూడా రెంటింపు అవుతుంది. మరింత అందంగా తీర్చిదిద్దేందుకుగాను ఇంటి కిటికీలు, తలుపులు, గోడలు మొదలైన ప్రదేశాలలో గ్లాసులను అలంకరించండి. వీటిపై మీకు వీలైతే గ్లాస్ పెయింటింగ్ వేయించండి లేదా పెయింటింగ్‌ తో కూడుకున్న గ్లాస్ మార్కెట్లో లభ్యమవుతున్నాయి. వీటిని ఇంట్లో అలంకరించండి.

మీఇంట్లో పిల్లల గది రంగులమయం చేస్తే చాలా బాగుంటుంది. పిల్లలకు రంగులంటే చాలా ఇష్టం. పిల్లలుండే గది గోడలకు ఎనామిల్ ప్రింట్ లేదా కార్టూన్‌ లలోని పాత్రలకు చెందిన పోస్టర్‌ లు అంటించండి. మీరుండే ఇల్లు చిన్నదిగా ఉంటే అందులోని గదులు చిన్నవిగానే ఉంటాయి. ఆ గదులను పెద్దవిగా కనపడేలా ఉంచాలనుకుంటే ఏక్సెంట్ లైట్‌ ను ఉపయోగించండి. ఆ లైట్‌ ను ఫర్నీచర్ లేదా వాల్ ఆర్ట్‌ పై ఫోకస్ చేయండి. దీంతో చిన్న గదికూడా పెద్ద గదిలా కనపడుతుంది.

సందర్భాన్ని బట్టి రెడీమేడ్ డెకరేషన్ ఉదాహరణకు అన్ని గదుల్లో కర్టెన్లు ఉంటాయి. ఒక వేళ లేకున్నా కర్టెన్లు ఏర్పాటు చేసుకోవాలి. అయితే ముందు గదిలో ఏర్పాటు చేసిన కర్టెన్లపై ఆడవాళ్లు అప్పుడప్పుడు వాడే బెనారస్ చీరలు మెరిసే చున్నీలను కర్టెన్ లపై వేసి వాటికి అదనపు అలంకరణగా చేయవచ్చు.

అలాగే గది గోడలపై ఉన్న ఫొటోలను అన్నీ తీసేయండి. వాటి స్థానంలో అందమైన దృశ్యాలతో ఉన్న సీనరీ వాల్‌ పోస్టర్లను అతికించాలి. గోడలకు పగుళ్లు, పెచ్చులు ఊడినచోట ఈ పోస్టర్లను అతికిస్తే ఎటువంటి సమస్యా ఉండదు. పైగా చూసేవారికి అందంగా కూడా కనిపిస్తుంది గది. అందరూ కూర్చునే ముందు గదిలో సాధ్యమైనంత వరకూ ఎక్కువ వస్తువులను పెట్టకుండా చూసుకోవాలి. గది ఉన్నంతలో విశాలంగా కనిపించేలా చేయాలి. అంతేగానీ అక్కడే మంచాలు, సోఫాలు, కుర్చీలు వేస్తే ఎక్కువ మంది అతిధులు వస్తే వాళ్లు కూర్చోవడానికి కూడా ఇబ్బంది పడాల్సివస్తుంది. గది గోడలపై అందమైన మీ ఇంటి పాపాయి ఫోటోలతో ఉండే పోస్టర్లు కూడా బాగుంటాయి.