కుషన్లతో ఇంటి అందాన్ని రెట్టింపు చేయండి...

Published: Monday, February 13, 2012, 14:07 [IST]

ఎంతటి చక్కటి ఇల్లు అయినా సరే కొద్ది రోజులు పట్టించుకోలేదంటే ఒక్కోసారి మన ఇల్లే మనకు పాతబడిపోయినట్టు, బోర్‌కొడుతున్నుట్టు అనిపిస్తుంది. ఇంటిని ట్రెండ్‌కు తగినట్టుగా మార్చుకోదలచుకున్నపుడు కొద్దిపాటి ఖర్చుతో ఇంటిని పూర్తిగా మేకోవర్ చేసుకోవచ్చు. ఇంటిలోని ప్రతీ గది ప్రత్యేకమైనదే. ప్రతి ఇంట్లో ప్రతి వస్తువు ఒక ప్రత్యేకతను కలిగి ఉంటుంది. అలాగే అలంకరణ విషయంలో కూడా చాలా వస్తువులు తమ ప్రాముఖ్యాన్ని తెలుపుతాయి. ఇంట్లో పెంచుకొనే మొక్కలు నుండి ఫ్లవర్‌ వాజ్ లు‌, టీపాయ్‌, కర్టెన్లు, కుషన్‌ కవర్లది ప్రముఖపాత్ర. వీటన్నింటికీ చక్కని అలంకరణ తోడైతే మీ హాల్‌ మరింత అందంగా కనిపిస్తుంది. హాల్‌ లో ముఖ్యంగా సోఫా, దివాన్‌, కుషన్‌ లు ముఖ్యపాత్రను పోషిస్తాయి.

కుషన్‌ కవర్లు మీ డ్రాయింగ్‌ రూములో మరింత ఆహ్లాదాన్ని అందిస్తాయి. అయితే కుషన్లలో చాలా రకాలు ఉన్నాయి. ఇందులో సోఫా కుషన్‌ కవర్లు, కాటన్‌ కుషన్‌ కవర్లు, ఎంబ్రాయిడరీ చేయబడినవి, డెకోరేటివ్‌ కుషన్‌ కవర్లు, లెదర్‌ కుషన్లు, అవుట్‌ డోర్‌ ఫర్నీచర్‌ కుషన్స్‌, ఇండియన్‌ కుషన్‌ కవర్లు, ఛైర్‌ కుషనుల, ప్యాచ్‌ వర్క్‌, పింటక్‌ కుషన్లు, డై కుషన్లు, ఇలా బోలెడన్నీ రకాలు. ఇందులో మీకు నచ్చినవి ఎన్నుకొని మీ ఇంటికి మరింత అందంగా కళాత్మకంగా తీర్చుకోవచ్చు ...

లెదర్‌ కుషన్స్‌ స్పష్టమైన గ్రాఫిక్స్‌ ప్రింట్‌ను కలిగిన ఈ లెదర్‌ కుషన్‌ కవర్లు లేటెస్ట్‌ గా వచ్చాయి. మీ ఇంటి ఇంటీరియర్‌కు కొత్త స్టైల్‌ ను తీసుకు వస్తాయి. స్టేన్‌ ప్రూఫ్‌ తో ఉన్న ఈ లెదర్‌ కుషన్‌ లు హై- డ్యూరబుల్‌ గా ఉంటాయి. ఎంబ్రాయిడరీ కుషన్స్‌ అందమైన డిజైన్లను కుషన్లపై అల్లికలు వేసిన ఎంబ్రాయిడరీ కుషన్లు ఎలాంటి సమయ సందర్భాల్లోనైనా వాడవచ్చు.

ఫ్యాన్సీ కుషన్స్‌ చూడాటానికి భారీ ప్రింట్‌ తో కనిపించే ఈ కుషన్లు ఫ్యాన్సీగా ఉంటాయి. ఎక్కువగా ఈ రకాలు విఐపీ హాలులో, కాన్ఫరెన్స్‌ హాలులో వాడతారు. రాజస్థానీ ప్యాచ్‌ వర్క్‌, గుజరాతీ సంప్రదాయ రంగుల మేళవింపుతో కనిపించే ఈ ఫ్యాన్సీ కుషన్‌ కవర్లు పార్టీలు, ఫంక్షన్‌లు, పెళ్ళిళ్లకు ఉపయోకరంగా ఉంటాయి.
ప్యాచ్‌వర్క్‌ కుషన్స్‌ ఆహ్లాకరమైన రంగులను కాంట్రాస్ట్‌లో ఉపయోగించిన ఫైన్‌ ఫ్యాబ్రిక్‌ మీద ముద్రించే ఈ మల్టిపుల్‌ ప్యాచ్‌వర్క్‌ కుషన్‌లు వివిధ సైజుల్లో, డిజైన్లలో పలు రంగుల కాంబినేషన్‌లో మార్కెట్లో అందుబాటులో ఉన్నాయి.