అభిరుచికి అద్దం పట్టే అందమైన ప్లవర్‌ వాజ్

Decor

oi-Saraswathi

By Sindhu

Published: Friday, February 24, 2012, 17:54 [IST]

ప్రతి ఇంట్లో అందం ఆ ఇంటి అలంకరణ మీద ఆధారపడి ఉంటుంది. ఇంటికి ఫర్నీచర్ కార్పెట్స్, కర్టెన్లు..ఇలా ప్రతీదీ అలంకరణలో ప్రదానమైనటువంటివే. హాల్లో ఉన్న టీపాయ్‌ పైన డిజైనర్‌ ప్లవర్‌ వాజ్‌ అమర్చితే ఇంటికే సరికొత్త కళ వస్తుంది. అది అందరికీ తెలిసిన విషయమే...అయితే అది మన స్వంతంగా తయారు చేసుకొన్నట్లైతే మరింత అందంగా కనిపించడమే కాదు ఇంటికి వచ్చిన అతిధులు మీ సృజనాత్మకతను మెచ్చుకోకుండా ఉండలేరు. హాల్లోనే కాదు పడక గది, పిల్లల గది... ఇలా అన్నీ చోట్ల మీ అభిరుచికి తగ్గట్లుగా తయారు చేసుకొని పెట్టుకోవచ్చు. ఇవి తయారు చేయడం కూడా సులభమే....

1. లేత గులాబి రంగులో ఉన్న డజను కాగితం కార్నేషన్‌ పూలు(ఇవి మార్కెట్‌లో దొరుకుతాయి)ను తీసుకోవాలి. అందులోంచి ఒక పువ్వులరెమ్మ తీసుకొని కింద శాటిన్‌ రిబ్బన్‌ ను కుచ్చులా కట్టాలి.

2. చెక్కతో చేసిన బాస్కెట్‌ ను తీసుకొని దానిలో పాస్లిక్‌ కొమ్మలు, ఆకులు, చిన్న, చిన్న పూలతో డెకరేట్‌ చెయ్యాలి. దాని మధ్యలో ఫోమ్‌ ను అమర్చాలి. ఫోమ్‌ లో ముందుగా డెకరేట్‌ చేసిన పూల గుత్తిని, దాని చుట్టూ మిగిలిన కార్నేషన్‌ పూలను సెట్‌ చెయ్యాలి.

3. కాడ పెద్దదిగా ఉన్న మరొక పువ్వును తీసుకొని వెనుక భాగంలో అమర్చాలి. అంతే మీ అభిరుచికి అద్దం పట్టే అందమైన ప్లవర్‌ పూడిల్‌ రెడీ. వీటిపై ఆర్టిఫిషియల్ ఫ్లవర్స్‌ గానీ లేదా తోటలో ప్రతిరోజూ పూసే తాజా పువ్వులను అలంకరించుకోవచ్చు. పింగాణీలో వెదురు అల్లిక చేసిన వాటిని టీపాయ్ మీద ఉంచితే చూడముచ్చటగా ఉంటాయి. ఈ ఫ్లవర్‌ వాజ్‌లు ఇంటి ఇంటీరియర్ అందాన్ని రెట్టింపు చేస్తాయి.