మీ ఇంట్లో ఎయిర్ కండీషనర్ (ఏసీ) ఉందా...?

Decor

oi-Saraswathi

By Sindhu

Published: Monday, February 13, 2012, 16:28 [IST]

ప్రస్తుత జీవన విధానంలో ఎలక్ట్రానిక్, సాంకేతిక రంగాలు భాగా అభివృద్ది చెందాయి. ఇంట్లో ఉపయోగించే ఫ్యాన్స్ కు అధునాతనంగా ఎయిర్ కూలర్స్ ప్రాచుర్యలోనికి వచ్చాయి. సూర్యుని ఎండ బాగా ఉన్నప్పుడు కూలర్స్ మనకు హాయినిస్తాయి. అలాగే ఎయిర్ కూలర్ల ప్లేస్ లోని ఎయిర్ కండీషనర్స్ వచ్చాయి. వేడి నుండి ఉపశమనం పొందడానికి సహాయం చేస్తున్నాయి. ఒకప్పుడు ధనవంతుల ఇల్లలో మాత్రమే ఉండే ఎయిర్ కండీషనర్స్ ఇప్పుడు అందరికీ అవసరమైన వస్తువుగా మారిపోయింది. ఇప్పుడు ప్రతి ఒక్కరు లైఫ్ స్టైల్ ను హాయిగా మలచుకోవడానికి ప్రయత్నిస్తున్నారు. వేల రూపాయలు పోసి కొనుగోలు చేసిన ఎయిర్ కండీషనర్లు (ఏసీ) నాలుగు కాలాలపాటు చల్లగా ఉండాలంటే.. వాటి నిర్వహణ, అమరికలో జాగ్రత్త తీసుకోవాలి.

1. ఏసీని కొనేటప్పుడు మీ గడి, ఇంటి ఆకారాన్ని దృష్టిలో ఉంచుకొని ఏసీని కొనుగోలు చేయండి. ఈ విషయంలో మీరు ఎవరైనా తెలిసిన వారి సలహా తీసుకోండి. ఏసీ సైజు పెరిగిన కొద్దీ ఎక్కువ విద్యుత్తు ఖర్చు అని గుర్తుంచుకోండి.
2. విండో ఏసీని అమర్చేటప్పుడు.. మెషిన్ వెనుకవైపున కనీసం నాలుగు అంగుళాలు ఖాళీ స్థలం ఉండేలా చూడాలి. గాలి ధారాళంగా తాకితే కంప్రెసర్‌ పై భారం తగ్గుతుంది. లేకపోతే సరిగ్గా చల్లబడక ట్రిప్ అయ్యే ప్రమాదం ఉంటుంది.
3. ఏసీ ఉన్న గది తలుపులు, కిటికీలను మూసి ఉంచాలి. దాంతో గడి చల్లబడటానికి తక్కువ సమయం పడుతుంది. లేకపోతే దుమ్ము, ధూళి కంప్రెసర్‌ లో చేరి ఫంగస్ ఏర్పడి ఏసీ జీవితకాలం తగ్గిపోతుంది. అలాగే చల్లదనం బయటకు వెళ్లి ఏసీ వినియోగం పెరిగి, కరెంటు ఛార్జీ కూడా పెరిగే అవకాశం ఉంటుంది. వైరింగ్ విషయానికి వస్తే 720 గేజ్ వాడాలి. లేకపోతే లోడ్ పెరిగి కాలిపోతుంది.
4. ఏసీ టెంపరేచర్ 25డిగ్రీల సెల్సియస్ కన్నా ఎక్కువ సెట్ చేసి ఉంచండి. దీంతో మీ విద్యుత్ బిల్లు తగ్గుతుంది.
5. ఏసీని వాడేటప్పుడు ఎక్కువ విద్యుత్తును వాడుకునే మైక్రోవేవ్ ఓవెన్లు, గీజర్లు, వాటర్ పంప్‌ సెట్ మోటార్లను వేయకూడదు. లేకపోతే లోడ్ పెరిగి ఫ్యూజ్‌ లు ఎగిరిపోతాయి. 6. ఇక ఓల్టేజీ హెచ్చుతగ్గుల నుంచి క్షేమంగా ఉండాలంటే ఏసీకి స్టెబిలైజర్ వాడకం తప్పనిసరి. అలాగే కరెంట్ షాక్‌ లనుంచి తప్పించుకోవాలంటే, ఎర్తింగ్ కూడా తప్పనిసరి అన్న విషయం మరువకూడదు.
7. ఎసీని ఎప్పుడూ ఆన్ చేసి ఉంచడానికి బదులు కొద్దిసేపు ఆన్ చేసి ఉంచి, ఒకసారి గది చల్లబడిన తర్వాత ఏసీని ఆపేయాలి.