మీరు నిజమైన ప్రేమికులేనా..?

Gardening

oi-Sivanjaneyulu Bommu

By Sivanjaneyulu Bommu

Published: Monday, August 29, 2011, 12:53 [IST]

''వృద్ధాప్యం దరికి చేరి అంత్య దశకు చేరుకున్న ఓ తాత, మామిడి చెట్టును నాటుతున్నాడు. దారినిపోయే నలుగురు చూసి రేపో.. మాపో పోయేలాగున్నావు ఈ మొక్కను పెట్టి ఏం సాధిస్తావని హేళణ చేశారు.. వారి వెకిలితనాన్ని సరదాగా స్వీకరించిన ఆ ముసలోడు ఈ మొక్క నా కోసం రేపటి తరం కోసమని బదులిస్తాడు. పెద్దాయన మాటలకు కనువిప్పు కలిగిన ఆ 'నలుగురు', మరో నలుగురికి.. ఆ నలుగురు మరో నలుగురికి అలా అలా సీమ మొత్తం కనువిప్పు కలిగి కోన్నాళ్లకు పచ్చిదనంతో సశ్యశ్యామలమవుతుంది...'', చెట్లు మనకు గాలి, పండ్లు, పూలు, ఔషుధాలు ఇలా అనేక రకాలగా మానవాళి మనుగడకు ఉపయోగపడుతున్నాయి. కాని మనం ఆ మేలును విస్మరించి కూర్చున్న కొమ్మనే నరికేసుకుంటున్నాం.. ఇది న్యాయమా..? మీరే ఆలోచించండి...

పట్టణీకరణ నేపధ్యంలో చెట్లన్ని నరికేస్తున్నాం.. ఫ్లైఓవర్లంటూ, రోడ్డు వెడల్పుంటూ, ఇంటి నిర్మాణం అంటూ వృక్షజాతిని అంతమోదిస్తున్నాం.. ఈ ప్రభావంతో విపత్తులు మీదపడుతున్నాయి. వినాశనం ముంచుకొస్తుంది.. పచ్చదనం పట్ల ప్రజలను చైతన్యవంతులను చేసేందుకు స్వచ్ఛంద సంస్థలు చేపడుతున్న అవగాహనా కార్యక్రమాలు పూర్తి స్థాయిలో సత్ఫలితాన్నివటం లేదు. చివరికి మనం 'పీల్చే' గాలిని కొనుక్కోవల్సి వస్తుందేమోనన్న ఆందోళణ కలుగుతుంది.

కాని ఓ మూల మార్పు మొదలైంది.. ఆ మార్పుకు కారణమైన వారికి ఎవరు అవగాహన కలిగించలేదు. పచ్చదానన్ని ప్రేమించే గుణాన్ని వారు న్ని చిన్నతనం నుంచే అలవాటు చేసుకున్న హరిత ప్రేమికులు తమ ఇళ్లను పచ్చదనంతో నింపుకుంటున్నారు. ప్రకృతితో స్నేహం చేసే వీరు వృక్షజాతిని కంటికి రెప్పలా కాపాడుకుంటున్నారు. రాష్ట్రంలోని ప్రముఖ ప్రాంతాలైన హైదరాబాద్, విజయవాడ, విశాఖపట్నం వంటి ప్రాంతాల్లోని పలువురు గృహిణులు పూల మొక్కలతో తమ ఇంటిని నందనవనంలో తీర్చుదిద్దుతున్నారు.

మీరు నిజమైన ప్రకృతి ప్రేమికులేనా..? వృక్ష సంపదను రేపటి తరాలకు అందించాలన్న భావం మీలో ఉందా..? ఒక్కాసారి విజ్ఞతతో ఆలోచించండి.. ఇంటి పెరటిని ఖాళీగా ఉంచొద్దు. మీ పుట్టినోరోజుకో మొక్కచొప్పున నాటండి, పచ్చదనాన్ని ప్రేమించండి.. ప్రకృతి వరాలను ఆస్వాదించండి.