అవుట్ డోర్ డెసర్ట్ రోస్...ఇలాంటి మొక్క ఒక్కటి చాలు

Gardening

oi-Saraswathi

By Sindhu

Published: Wednesday, January 25, 2012, 16:29 [IST]

పచ్చని పొడవాటి కాండంతో, ఎర్రని రెక్కలతో చూడగానే ఇట్టే మనస్సును ఆకట్టుకొనే మొక్క ఎడీనియమ్. ఇది థాయ్ లాండ్ కు చెందినది. ఈ మధ్యకాలంలో మొక్కల ప్రేమికులు దీనిని ఇంటి ముందర, కార్పొరేట్ సంస్థలు ఆవరణల్లో పెంచడానికి బాగా ఆసక్తి చూపడంతో వీటికి ఒక్కసారిగా డిమాండ్ పెరిగింది

ఇది కూడా ఓ దుంపలాగా కనిపిస్తుంది. అయితే ఇది ఖచ్చితంగా అవుట్ డోర్ లో పెంచుకొనే మొక్కే. ఈ మొక్కకు ఎండ ఎక్కువగా పడాలి. ఎండ పడేంత సేపు ఈ మొక్క చాలా అందంగా ఫ్రెష్ గా కనిపిస్తుంది. అందుకే ఈ మొక్కకు ఓ ప్రత్యేకమైన పేరుతో(డెసర్ట్ రోస్)పిలుస్తారు.

ఈ మొక్కను పెంచుకోవాలంటే కొద్ది స్థలం చాలు. దీనికి మట్టి తక్కువ, ఇసుక ఎక్కువ అవసరం ఉంటుంది. లేదంటే అడుగున దుంప కుళ్ళిపోయే అవకాశం ఉంది. అంతే కాదు దీనికి పెద్దగా చీడ పట్టదు. అప్పుడప్పుడు కొమ్మలు కట్ చేస్తే అంతే వేగంగా పెరగడం మొదలెడుతుంది.

అందమైనటు వంటి పువ్వులు త్వరగా పూస్తాయి. ఈ పువ్వులు దరిదాపు అరవై రకాలుంటాయి. ముద్దమందారంలా నాలుగు దొంతరలున్న రకాలు కూడా ఉన్నాయి. ఈ మొక్కకు వర్మీ కంపోస్ట్ బాగా ఉపయోగపడుతుంది. మైక్రో న్యూట్రియంట్లని నీళ్లలో కలిపి ఆకులకి స్ర్ఫే చేస్తే ఎక్కువ పూలు పూస్తాయి. ఈ మొక్క లేదా దుంప కరీదు ఐదు వందలనుండి వేలల్లో ఉంటుంది. అంతిటి మహత్తర విలువలున్న ఈ మొక్కను మన అవుట్ డోర్ లో ఉంటే భలేభలే....