శ్రమలేకుండా ఎగ్సాస్ట్ ఫ్యాన్ తుడిచేయండి!

Improvement

oi-Nageswara

By B N Sharma

Published: Wednesday, September 28, 2011, 10:32 [IST]

వంటగది ఎగ్సాస్ట్ ఫ్యాన్ జిడ్డు, మురికి పట్టి అసహ్యంగా వుందా? ఇవి త్వరగా వదలవు. అలాగే వుంచితే అనారోగ్యం. ఫ్యాను చుట్టూ వున్న గోడ లేదా విండో కూడా మరకలు, దుమ్ము పేర్కొని వుంటుంది. కనుక ఎగ్సాస్ట్ ఫ్యాన్ ఎప్పటికపుడు తేలికగా శుభ్రం చేసుకునే విధానం చూద్దాం!

1. షాకులు కొట్టకుండా ప్లగ్ సాకెట్ నుండి తీసేయండి. ఎగ్సాస్ట్ ఫాన్ దాని స్ధలంనుండి బయటకు తీయండి. బ్లేడ్లు దానినుండి విడగొట్టండి.
2. ఆ బ్లేడ్లను 15 నుండి 20 నిమిషాల సేపు సోపు కలిపిన నీటిలో నానపెట్టండి. మెత్తటి బ్రష్ లేదా క్లీనింగ్ ప్యాడ్ వంటివాటితో బాగా రుద్ది కడగండి.
3. నూనె మరకలు వేడి నీటితో కూడా వదలకపోతే, పెద్దగా పదునులేని బ్లేడు లేదా చాకుతో గీకేయండి. మరీ గట్టిగా శుభ్రం చేయకండి. బ్లేడ్లు వంకర పోయే ప్రమాదం వుంది.
4. ఫ్యాను రెక్కలు క్లీన్ చేయటానికి నిమ్మ రసం బాగా ఉపయోగపడుతుంది.
5. వేడి నీటిలో అమోనియా లేదా బేకింగ్ సోడా కలిపి బ్లేడ్లను 10 నుండి 15 నిమిషాలు నానపెట్టి నూనెమరకలనుతొలగించవచ్చు.
6. ఎగ్సాస్ట్ ఫ్యాన్ కవర్ శుభ్రం చేయాలంటే అమ్మొనియా స్ప్రే చేయండి లేదా నీటితో కలిపి తుడవండి. కొంతసేపు నాననిచ్చి శుభ్రం చేయండి.
7. ఫ్యాన్ తుడవటానికి వినేగార్ కూడా వాడవచ్చు. వినేగర్ వేడి నీటిలో కలిపి దానితో ఫ్యాన్ తుడవాలి. మొత్తటి బ్రష్ తో గట్టిగా రుద్దితే గ్రీజు మరకలు కూడా వదులుతాయి.