పార్టీ ప్రత్యేక దుస్తులు ఇంటివద్దే శుభ్రం చేయండి

1. దుస్తులపై మరకలేమైనా వుంటే ఒక చిన్న గుడ్డ ముక్కను నీటిలో నానపెట్టి ఆ మరకను తక్షణమే వదిలించాలి. అపుడు మరక గుడ్డకు పర్మినెంట్ గా అంటుకోదు.
2. చెమట మరకలు లేదా సెంట్ మరకలవంటివాటికి నీటితో కలిపిన వినేగర్ మిశ్రమంలో స్పాంజి లేదా ఒక చిన్న గుడ్డను ముంచి తుడిచేస్తే మరకలు పోతాయి.
3. పార్టీ దుస్తులను తరచుగా ఉతకాల్సిన పని లేదు. ఏవైనా మరకలు వుంటే, సోప్ నీటిలో ముంచిన గుడ్డ మరకపై రుద్దితే పోతుంది.
4. పార్టీ దుస్తులు మురికి పడితే, వాటిని 5 నిమిషాలపాటు చల్లని నీటిలో నానపెట్టి వాష్ చేయండి.
5. పార్టీ సిల్క్ దుస్తులను షాంపూ కలిపిన నీటిలో కూడా నానపెట్టి ఉతకవచ్చు.
6. సిల్కు దుస్తులకు బ్రష్ చేయకుండా చేతితోనే శుభ్రం చేస్తే ఎక్కువకాలం మన్నుతాయి. ఎండలో కాకుండా ఫ్యాన్ గాలికి లేదా నీడలో సిల్కు గుడ్డలను ఆరపెట్టాలి.
7. పార్టీ సిల్క్ దుస్తులను తడిపినపుడు పిండకుండా, హేంగర్ కు వేసి ఆర నివ్వండి. ఐరన్ చేయవద్దు. దుస్తులలో కొత్త దనం పోకుండా వుంటుంది.