వేసవిలో గ్యాస్ సిలిండర్ తో జాగ్రత్త...

Improvement

oi-Saraswathi

By Sindhu

Published: Tuesday, March 20, 2012, 14:34 [IST]

ప్రస్తుతం ఏ ఇంట్లో చూసిన గ్యాస్ పై వంట చేయడమే కనిపిస్తోంది. రోజు రోజుకూ నిత్యావసర వస్తువుల ధరలు విపరీతంగా పెరిగిపోతున్నాయి. దాంతో పాటే గ్యాస్ ధర కూడా పెరిగిపోతోంది. పట్టణాలు, నగరాలతో పాటు పల్లెల్లో కూడా గ్యాస్ వాడకం బాగా పెరిగిపోయింది. అయితే కొందరికి గ్యాస్ వాడకం తెలియదు. గ్యాస్ సిలిండర్ వినియోగం విషయంలో జాగ్రత్త తీసుకోకుంటే ప్రమాదాలు జరిగే అవకాశం ఉంది. సాధారణంగా ఇంటి నుండి బయలుదేరామంటే గ్యాస్ ఆఫ్ చేశామా?లేదా? అన్న అనుమానం ప్రతిఒక్కరికీ వస్తుంది. మామూలు కాలల్లో కంటే వేసవి కాలంలో గ్యాస్ వాడకం మీద ఎక్కువ జాగ్రత్తలు తీసుకోవాలి. వాతారణంలో ఉష్ణోగ్రత ఎక్కువగా ఉంటుండి కాబట్టి గ్యాస్ వాడకంలో తీసుకోవాల్సిన జాగ్రత్తలు మీకోసం...

1. గ్యాస్‌ స్టౌను, సిలిండర్‌ ను సొంతంగా మరమ్మతు, మార్పిడి చేయకూడదు. మంచి మెకానిక్‌ చేత ప్రతి రెండేళ్లకోసారి గ్యాస్‌ స్టౌను, సిలిండర్‌ ను పరీక్షించుకోవాలి.
2. సిలిండర్‌ ను తీసుకునే సమయంలో డెలివరి మనిషి చేత సిలిండర్‌ ను పరీక్ష చేయించాలి.
3. గ్యాస్‌ స్టౌవ్‌ ను నేలమీద పెట్టవద్దు. ఏస్‌ బెస్టాస్‌ షీట్‌ లేకుండా చెక్క టేబుల్‌ మీద పెట్టవద్దు. సరైన గాలి ప్రసరణ లేని గదిలో గ్యాస్‌ ను వాడకూడదు
4. సిలిండర్‌ ను భవనంలోని బేస్‌ మెంట్‌ మీద, అంతస్తు కిందిస్థాయిలో ఎప్పుడు పెట్టవద్దు. గ్యాస్‌ స్టౌవ్‌ కు దగ్గరలో ఎలక్ట్రిక్‌, ఓపెన్‌ కిరోసిన్‌ స్టౌలాంటివి, అగరబత్తీలు పెట్టకూడదు.
5. గ్యాస్‌ పై వంట చేస్తున్నప్పుడు నైలాన్‌ బట్టలు ధరించకూడదు. కాటన్‌ వస్త్రాలు ధరించడం శ్రేయస్కరం. వంట పూర్తయ్యేదాకా వంటింట్లోనే ఉండాలి.
6. స్టౌ ను వెలిగించడానికి ముందు గ్యాస్ దుర్వాసన వస్తుందేమో ఒక్కసారి చెక్ చేసిన తర్వాత వెలిగించాలి.
7. పాతబడిన లేక విరగిపోయిన గ్యాస్ పైప్ లను(రబ్బర్ ట్యూబ్ లను) వాడకుండా జాగ్రత్తలు తీసుకోవాలి. రెండు సంవత్సరాలకు మించి రబ్బర్ ట్యూబ్ ను వాడకూడదు
8. వంట చేయడం పూర్తయ్యాక, రాత్రి సమయంలో గ్యాస్ రెగ్యులేటర్ నాబ్ ను ఆఫ్ చేయడం మర్చిపోవద్దు.
9. సిలిండర్ ఎప్పుడు నిలువుగా ఉంచాలి. స్టౌ ను ఎల్లప్పుడు సిలిండర్ కంటే ఎత్తులో ఉంచాలి.
10. సిలిండర్ ను కప్ బోర్డ్స్, లేదా అలమరాల్లో ఉంచినట్లయితే తగినంత గాలి ప్రసరణ ఉండేలాగా చూసుకోవాలి.