వంటింటి జాగ్రత్తలు పాటిస్తే ఫలితాలెన్నో

1. వంటగదిలో ఎప్పటి గిన్నెలు అప్పుడే తోముకుంటే సింక్ శుభ్రంగా ఉంటుంది. లేదంటే మర్నాటికి గదిలో దుర్వాసనలు, పురుగుల సమస్య తప్పదు. ఎలాంటి ఇబ్బంది లేకుండా ఉండాలంటే సింక్ ను సాధ్యమైనంత వరకూ పొడిగా ఉంచుకుంటే మంచిది
2. చెత్త బుట్టలను, ప్లాస్టిక్ కర్లలో నింపిన చెత్తచెదారంను వంటగదికి దూరంగా ఏర్పాటు చేసుకోవాలి. చెత్తబుట్టలను ఏరోజుకారోజు శుభ్రం చేసుకోవాలి. లేదంటే వాటిలోని క్రిములు, పురుగులు వంటగదిలోని కూరగాయల్లోకి చేరిపోతే వాటి నుంచి హానికర బ్యాక్టీరియా ఇతర పదార్థాలకూ వ్యాపిస్తుంది.
3. నిమ్మజాతి పండ్ల తొక్కలను ఎండబెట్టి పొడి చేసి అందులో కాస్త వంటసోడా కలిపి చెత్త బుట్టల్లో..గోడలకున్న రంధ్రాల దగ్గర చల్లితే కీటకాలు, పురుగుల బెడద తప్పుతుంది.
4. మధ్యాహ్నామైనా, రాత్రైనా భోజనం చేసిన వెంటనే నేలను కూడా ఊడ్చి..తుడి చేస్తే సరిపోతుంది. లేదంటే ఆహార పదార్థాలు కిందపడి చీమలు, ఈగలు ఇంట్లో చేరిపోతాయి. అవి అనారోగ్యం దారితీస్తాయి.
5. కూరగాయలు పాడైపోతే వాటి నుంచి నీళ్లు, దుర్వాసనలు వస్తుంటాయి. అలానే బాగా పండిన పండ్లలో పురుగులు చేరిపోతాయి. అలాంటి వాటిని వెంటనే పడేయాలి.