ఖర్చులేకుండా మీఇంటిని సువాసనలతో నింపండి..

వెనిగర్:

ఆపిల్ సైడర్ వెనిగర్-నీళ్ళు సరిసమానంగా తీసుకొని, బాగా మిక్స్ చేసి, ఇంట్లో డైరెక్ట్ గా స్ప్రే చేయాలి. లేదా ఫ్యాన్ మీద లేదా ఏయిర్ కండీషనర్ మీద కూడా స్ప్రే చేయవచ్చు. ఇది మీకు తాజా సువాసనను అందంగా అంధిస్తుంది.

నిమ్మకాయలు:

నిమ్మ మంచి సువాసనను అంధించడమే కాకుండా, ఒత్తిడిని నుండి మీకు ఉపశమనం కలిగిస్తుంది. నిమ్మకాయను రెండు సమభాగాలుగా కట్ చేసి ఇంట్లో డోర్ వద్ద అర గంట నుండి ఒక గంట వరకూ పెట్టండి. అంతే మీ ఇంటి నిండా నిమ్మరసం వాసనతో గుభాళిస్తుంటుంది.

పైనాపిల్:

మీకు పైనాపిల్ వాసన అంటే ఇష్టమైతే, మీ ఇంటి సువాసనకు పైనాపిల్ కూడా ఉపయోగించవచ్చు. ఒక కప్పు పైనాపిల్ గుజ్జుకు కొద్దిగా టీట్రీ ఆయిల్ మిక్స్ం చేసి , కిటికీలు, తలపుల చివర్లలో ఈ మిశ్రమాన్ని రుద్ది చూడండి. ఇంట్లోకి గాలి వీచినప్పుడల్లా ఇల్లంతా పైనాపిల్ వాసనతో ఘుమఘుమలాడిపోతుంది.

రెడ్ ఆనియన్:

ఎర్ర ఉల్లిపాయలు: ఎర్రని ఉల్లిపాయలు ఇంట్లోని చెడు వాసనను దూరం చేస్తుంది. మీ వంట గదిలో ఎర్రని ఉల్లిపాయలను వలిచి పెట్టండి, చెడు వాసన దూరం అవుతుంది.

చెక్క:

దాల్చిన చెక్క వల్ల మీ ఇంట్లో ఒక అందమైన సహజమైన ప్రక్రుతి సిద్దమైన వాసన వెదజల్లుతుంది. మరి ఈ వాసన మీ ఇంట్లో నిండిపోవాలంటే, దాల్చిన చెక్క పొడి కానీ, లేదా దాల్చిన చెక్కను కానీ ఇంట్లో విండో దగ్గర లేదా డోర్ దగ్గర పెట్టాలి.

మూలికలు:

కొన్ని ప్రత్యేకమైన మూలికలను ఇండోర్ మొక్కలుగా పెంచుకోవచ్చు. తులసి, మరువం, పుదీనా, కొత్తిమీర, వంటి మొక్కలను ఇండోర్లో పెంచుకోవడం వల్ల మంచి సువాసన అందిస్తుంది.

తాజా పువ్వులు:

ఇంట్లో ప్రతి గదిలో ఫ్లవర్ వాజులు వాటిలో తాజా పువ్వులు ఉంచడం వల్ల ఇళ్ళంతా గుభాళిస్తుంటుంది. ప్రత్యేకంగా మల్లెపువ్వులు, గులాభీలు వంటి వాటిని ఎంపిక చేసుకోవాలి.

బేకింగ్ సోడా:

బేకింగ్ సోడా వాసన బాగానే ఉంటుంది. కానీ ఈ వాసన చాలా కొద్ది మందికి మాత్రమే నచ్చుతుంది. కాబట్టి నచ్చిన వారు బేకింగ్ సోడాను విండో గ్రిల్స్, డోర్ గ్రిల్స్ కు రాసి పెట్టడం వల్ల గాలి వీచినప్పుడు మంచి వాసన వస్తుంది.

లెమన్ గ్రాస్:

మట్టి కుంపటిలో లెమన్ గ్రాస్ ను నాటి పెట్టుకోవచ్చు. దీన్ని డోర్ ముఖద్వారం వద్ద వుంచడం వల్ల మంచి ఫలితం ఉంటుంది. దాంతో ఇంట్లో ఒక మంచి సువాసన నేచురల్ గా ఉంటుంది.

ఆరెంజ్:

సిట్రస్ జాతికి చెందిన ఏరకం పండ్లైనా సరే మీ ఇంట్లో సువాసనలు వెదజల్లాల్సిందే. ఎందుకంటే వాటి స్వభావమే అంత. ఆరెంజ్ లేదా నిమ్మను ఒక గుండు సూదితో కాయ మొత్తం అక్కడక్కడ గుచ్చి వంటగదిలో ఉంచండి . అంతే ఇళ్ళంతా మంచి వాసన రావాల్సిందే..