దీని ధర.... చుక్కల్లో చూడాల్సిందే!

Pet Care

oi-Nageswara

By B N Sharma

Published: Monday, September 26, 2011, 12:54 [IST]

మాస్తిఫ్ ప్రపంచంలోనే అత్యంత ఖరీదైన శునకం టిబెట్ దేశపు మాస్తిఫ్. ఈ జాతి కుక్కలు పెద్దవిగా వుంటాయి. బొచ్చు కలిగి యజమాని కుటుంబంతో ఎంతో సన్నిహితంగాను, స్నేహపూరితంగాను వుంటాయి. ప్రపంచంలోనే అత్యధిక రేటు పలుకుతోంది. చైనా దేశ ప్రజలలో ఈ జాతి కుక్కలంటే అమిత ఇష్టం పెరిగిపోతోంది...కారణం ఈ జాతి కుక్క ఫెంగ్ షూయి సంబంధంగా వుందనటమే. అందరూ దానినే కోరుతుండేటప్పటికి వాటి జానాభా కూడా బాగా పెరిగి వాటిఖరీదు ఆకాశాన్నంటుతోంది. గతంలో జర్మన్ షెప్పర్డ్ జాతి కుక్క అధిక వ్యయమని అందరూ భావించారు. ఇక ఇపుడు మాస్తిఫ్ జాతి కుక్క జర్మన్ షెప్పర్డ్ కుక్క ఖరీదును దాటేసి ఎంతో పెరిగిపోయింది. కుక్కలను అమ్మే వారు మాస్తిఫ్ జాతిని పాలన చేసి అమ్మితే ఎంతో లాభసాటిగా వుంటుందంటున్నారు. ఎంతో కాలంనుండి పేరుపడ్డ అల్సేషియన్ జాతి కుక్కలు కూడా మాస్తిఫ్ జాతి ముందు వెనుకబడ్డాయి.

మాస్తిఫ్ జాతి కుక్కకు ఇంత డిమాండు రావటానికిగల కారణమేమిటి? అది ఎక్కడనుండి పుట్టింది?
అధిక బొచ్చు కల ఈ కుక్కలు టిబెట్ పర్వత దేశంలో పుట్టాయి. చప్పిడి ముక్కు పొడవుగా వుండే నోరు. వీటికిగల అధికమైన బొచ్చుతో ఇవి కూడా మూసుకుపోతాయి. టిబెట్ దేశాన్ని ఇతరులు ఆక్రమించకుండా కాపాడుతున్నవి ఈ కుక్కలేట. ఆ దేశంలో వుండే మత సన్యాసుల వెంట కాపలాగా ఇవి తిరుగుతాయి. వారికి పూర్తి రక్షణ కల్పిస్తాయి. వీటి బలం పరిశీలిస్తే...చాలా ఎక్కువ. అమోఘంగా ప్రత్యర్ధులను ఎదుర్కొంటాయి.

ప్రపంచంలోనే అత్యధిక ఖరీదుగా ఎందుకు చెప్పాలంటే..... ఈ జాతి కుక్కలను పెంచటం కష్టమేమీకాదు. తేలిక. ఎంతోక్రూరంగా కనపడేటటువంటి పర్వత ప్రాంత కుక్క. బాగా ఎత్తుగా వున్న ప్రదేశాలలో జీవించగలవు. అలాగే సాధారణ మైదాన ప్రాంతాలలో కూడా జీవించే సామర్ధ్యం వీటికి వుంది. టిబెట్ దేశంతో సరైన సంబంధాలు చైనీయులకు లేనప్పటికి, వీరు టిబెట్ దేశపు మాస్తిఫ్ జాతి కుక్కను ఎంతో అభిమానిస్తారు. దీనిని వారి ఫెంగ్ షూయి శాస్త్రంలో ఇంటికి మంచి పాజిటివ్ ఎనర్జీ ఇచ్చే కుక్కగా భావిస్తారు. ఇంటి యజమానికి సంపదను, ఐశ్వర్యాన్ని కలుగజేస్తాయని నమ్ముతారు. చైనా దేశంలో మధ్య తరగతి, ఉన్నత తరగతి కుటుంబాలు ఈ జాతి కుక్కను చాలావరకు ఒక సాంప్రదాయంగా పెంచుతూంటాయి. బాగా ధనవంతులైనవారి ఇండ్లలో ఇంటికి కనీసం 20 కుక్కలు కూడా వుంటాయి.

టిబెటన్ మాస్తిఫ్ కుక్క ధర ఎంత? ప్రపంచంలోనే ఖరీదైన కుక్క అని ఊహించి చెప్పటంలేదు సుమా! బాగా బలిసిన చిన్న కుక్క పిల్లే.... సుమారుగా పదివేల డాలర్లపైన పలుకుతోంది. ఇక పెరిగి పెద్దదైనదంటే...దీని ధర చుక్కల్లో చూడాల్సిందే! ఉత్తర చైనా బొగ్గు గనుల ఆసామీ యాంగ్ ఈ కుక్కను అక్షరాలా 945,000 పౌండ్లు పోసి ఈ సంవత్సరం మార్చి నెలలో అత్యధిక రేటు తో కొనుగోలు చేశాడట. బలంగా వున్న ఈ కుక్క ఎర్రని ఎరుపుతో చూపరులకు భయాన్ని అదే సమయంలో ఒక వింత కుక్కను చూశామన్న అనుభూతిని కలిగిస్తోందట.

మనిషికి మంచి స్నేహితుడుగా చెపుతున్న శునకం నిస్సందేహంగా విలువ కట్టదగినదే! అది కూడా ఏ రకంగా చూసినా ఆకాశాన్నంటే రేటే సుమా!