అంతరాత్మ వెలుగు నమ్మండి!

Short Story

oi-Nageswara

By B N Sharma

Published: Wednesday, June 13, 2012, 15:50 [IST]

మొదటగా మీలోనే ఒక మార్గదర్శకుడు మీకు వున్నాడని, కాని అతనిని మీరు ఉపయోగించటం లేదని గుర్తించండి. ఎంతో కాలంనుండి మీరు అతనిని ఉపయోగించటంలేదు. ఇంకా అధికంగా చెప్పాలంటే, మీరు ఆ మార్గదర్శకతలను కొన్ని జన్మలనుండి వాడటమే లేదు. ఆ మార్గదర్శి మీలో వున్నాడనే విషయంకూడా మీరు మరచిపోయారు. డాన్ జువాన్ తన శిష్యుడు కేస్తనేడాకు ఒక అద్భుతమైన ప్రయోగాన్నిస్తాడు. అది చాలా పాతదే.

ఒక చీకటి రోజున, ప్రమాదకరమైన ఒక పర్వత మార్గంలో వెలుగు ఆధారం లేకుండా తన శిష్యుడిని ప్రయాణించమంటాడు. నీలో వున్న మార్గదర్శిపై నీకు నమ్మకం వుంటే, ప్రయాణించు అని ఆదేశిస్తాడు. అది ఒక పర్వత ప్రాంతం. ఎన్నో చెట్లు, పొదలు, ఎత్తుపల్లాలు వున్నాయి. శిష్యుడు ఎక్కడైనా సరే దోవలో పడిపోవచ్చు. అపాయానికి గురికావచ్చు. ఆ మార్గంలో పగటి పూటే చాలా జాగ్రత్తగా వెళ్ళాలి. మరి చీకటి రాత్రిలో మరింత కష్టం. అతని కంటికి ఏమీ కనిపించటంలేదు. కాని తన మాస్టర్ ఆదోవలో నడవటం కాదు...పరుగెత్తు అని ఆదేశించాడు. శిష్యుడికి భయం వేసింది.

కాని మాస్టర్ పరుగుపెట్టాడు. ఒక క్రూర మృగం వలే పరుగు పెట్టాడు. అంతేకాదు పరుగెట్టుకుంటూ వెనక్కు కూడా వచ్చేశాడు. కాని శిష్యుడు కాస్టనేడాకు తన గురువు ఎలా చేశాడీ చర్య అనేది అర్ధం కాలేదు. చీకటిలో పరుగు పెట్టటమే కాదు మరల సరిగ్గా తన వద్దకే ఎలా రాగలిగాడు? మెల్లగా కేస్టనేడా ధైర్యం కూడగట్టుకున్నాడు. అంత ముసలి గురువే చేసినపుడు తాను చేయలేనా అనుకున్నాడు. పరుగు పెట్టటం ప్రయత్నించాడు. క్రమేణా అతనిలోని అంతర్ వెలుగు ప్రసరించింది. పరుగు ప్రారంభించాడు.

మీరు ఆలోచన అక్కడే ఆపితే, అక్కడే వుండిపోతారు. ఆలోచన ఆపి లోపలికి చూడండి. అంతరంగంలోని అంతరాత్మ తెరుచుకుంటుంది. అంతా సవ్యంగా సాగుతుందని మీరు ఆలోచించకపోతే, అంతరాత్మ నడిపిస్తుందని భావించకపోతే, మీ తర్కం లేదా అనవసర అనుమానాలు మిమ్మల్ని తప్పుదోవ పట్టిస్తాయి. అన్నిటికంటే పెద్ద తప్పు దోవ అంటే, మీ అంతరాత్మను మీరు నమ్మకపోవటమే. కనుక అంతరాత్మను నమ్ముకోండి. అదే మిమ్మల్ని సవ్యమైన మార్గంలో నడిపిస్తుంది.