క్రియేటివ్ కింగ్, సీటులేదని రైలులో సొంత ఉయ్యాల, హ్యాట్సాఫ్ ! వీడియో వైరల్

భారతదేశంలోని సాధారణంగా రైళ్ల సందడిగా ఉండే కంపార్ట్‌మెంట్లలో, ప్రతి అంగుళం స్థలం ఎంతో విలువైనదిగా ప్రయాణికులు భావిస్తారు. రైలు జనరల్ కంపార్ట్ మెంట్ లో నిలబడటానికి కూడా చోటు ఉండదు. కానీ ఒక యువకుడు తను పడుకోవడానికి తన ప్రదేశాన్ని తానే సృష్టించుకున్నాడు. ఈ రైలు ప్రయాణంలో ఆ వ్యక్తి చేసిన పనికి కొన్ని మిలియన్ల మంది మనస్సును ఆకర్షించాడు. ఒక సాధారణ బెడ్‌షీట్‌ను తాత్కాలిక ఊయలగా మార్చాడు, తద్వారా రద్దీగా ఉండే గందరగోళం మధ్య తన కోసం హాయిగా నిద్రించేందుకు ఊయలను ఏర్పాటు చేసుకున్నాడు. అప్పుడప్పుడు ఇలాంటి క్రియేటివ్ ఐడియాలు మన భారతీయుల్లో స్ఫూర్తినిచ్చేవిధంగా ఉంటాయి. కొన్ని క్లిష్టపరిస్థితుల్లో వారిలోని ట్యాలెంట్ ఇలా బయటపడుతుంటుంది. అయితే దీన్ని చూసిన తర్వాత భారతదేశంలోని జనరల్ బోగీలలో ప్రయాణికులు ఎదుర్కొనే ప్రత్యేక సవాళ్లను గుర్తు చేస్తుంది.

ఏదైతేనేం అతను చేసిన పనికి ప్రసంశలు అందుకుంటున్నాడు. ఈ విడియో కాస్త ప్రస్తుతం నెట్టింట వైరల్ అవుతోంది. నిలబడటానికి కూడా స్థలం లేనటువంటి రద్దీ ప్రదేశంలో కూడా అతనికి వచ్చిన ఓ ఐడియాతో తను హాయిగా నిద్రపోవడానికి ఓ ఊయలను సృష్టించుకున్న విధానం అద్భుతంగా ఉందని సోషియల్ మీడియాలో కామెంట్స్ పెడుతున్నారు.

స్లీపర్ కోచ్ లో నిల్చోవడానికి కూడా స్థలం లేని ప్రదేశంలో రెండు వైపుల సీట్లలో నలుగురుఐదుగురు కూర్చొన్నారు. పై బెర్త్ లో పడుకున్నారు. నిల్చుకోవడానికి కూడా స్థలం లేకుండటంతో ఆ వ్యక్తి తెలివిగా ఒక ఉపాయం కనుగొన్నాడు. అతను పైన రెండు బెర్త్ లకు మద్యలో ఒక బెడ్ షీట్ ను ఊయలగా కట్టి, అందులో హాయిగా పడుకుని, నిద్రించడం ఈ వీడియోలో మనం చూడవచ్చు.

ఈ వీడియో ఇరవై వేల మంది ఫాలోవర్స్ ఉన్న పాయల్ ('చల్బే-) అనే నెటిజన్ తన ట్విట్టర్ లో షేర్ చేశారు. అంతే కాదు, ఈ పోస్ట్ కు ఒక క్యాప్షన్ కూడా పెట్టాడు భారత దేశంలో ప్రతిభకు లోటు లేదు. ఇక్కడి ప్రజలు అద్భుతంగా ఉన్నారు. దాంతో ఈ పోస్ట్ వైరల్ అవుతూ అద్భుతమైన కామెంట్స్ పెడుతున్నారు. ఒక వినియోగదారుడు మన దేశంలో ప్రజల్లో ఎంతో ప్రతిభ దాగింది కేవలం ప్రదిర్శించాలని కామెంట్ పెట్టాడు. మరో నెటిజన్ స్పందిస్తూ స్కిల్స్ అండ్ క్రియేటివిటి ఉన్న వ్యక్తులు ప్రతి చోటా ఉన్నారంటూ మరొక నెటిజన్ కామెంట్ చేశారు. ఇలాంటి ఐడియాస్ మన ఇండియన్స్ కే వస్తాయంటూ మరో నెటిజన్ స్పందించడ ఆశ్చర్యం కలిగిస్తోంది.